Connect with us

Labarai Hausa

Gwanan Jihar Neja, Abubakar Sani-Bello ya sanya hannu ga Kasafin kudi na 2019

Published

on

Gwamnan Jihar Neja, Alhaji Abubakar Sani-Bello ya sanya hannu ga dokar kasafin kudi ta shekarar 2019, a Fadar Gwamnatin, Minna babban birnin jihar, a ranar Laraba da ta gabata.

Jibrin Baba Ndace, Babban Sakataren Gwamnatin Jihar Neja, ya shaida wa manema labaran Naija News cewa Gwamna Sani-Bello ya yaba wa goyon bayan da majalisar dokokin jihar Neja ta bayar ta amince da wannan kasafin, ya ce “wannan shi ne kari na farko da muke sanya hannu ga kasafin kuɗi a watan Disamba. ”

“Mun taka rawar gani kamar yadda ban taba ji ba a tarihi cewa wani Jiha ta sanya hannu a kan tsarin kasafin kudi, wannan ya faru ne don irin gwagwarmaya da hadin gwiwa ga ‘yan majalisar dokokin jihar Neja.”

A cewarsa, “Wannan ya nuna irin amincewa da babban buri da mambobin Majalisar ke da ita kan Jihar. Har ila yau, wannan na nuna dangantakar da take tsakanin Babban Jami’in Dokoki Jihar ke da ita da Mambobin Jihar. ”

Naija News ta ruwaito Abubakar Sani Bello (LOLO) Gwamnan Jihar Neja ya bayyana matsayin Jihar sa a matsayin kasa mafi kyau ga masu zuba jari ganin irin kasancewar zaman lafiya da ake ciki a Jihar.

“Na gode wa Shugaban majalisa saboda matsayinsa na jagoranci da magoya bayan majalisar don tallafawa da suka bayar don taka wannan rawar gani na sanya hannu ga wannan kasafin. ”

Ya kuma tabbatar wa wadanda suka yi hamayya da kuma fadi a lokacin zaben farko da kuma wadanda suka sami damar lashe zaben cewa gwamnatinsa za ta nuna masu kulawa ta kwarai. Musanman in akwai wata budi a Jihar, za a neme su don cika wannan budi da kuma amfanin da irin tasirin da suma suke da shi.

Da farko, Shugaban majalisar dokokin Jihar, Hon. Ahmed Marafa Guni ya bayyana cewa bayan binciken da ya dace na wannan takarda, an yi wasu gyare-gyare bisa ga al’amuran da Jihar ke fuskanta a halin yanzu, wannan shi ne dalilin da a ka sami karin kasafin daga Naira biliyan N159 da aka gabatar wa majalisar a ranar 6 ga watan Nuwamba zuwa sautin Naira biliyan 166.

Ya Ƙara da cewa an sami wannan kari ne kuma don albashi na sababbin ma’aikatan da ke aiki da kuma lamarin majalisar dokoki da kuma shari’a.

Ya kuma tabbatar wa Gwamna cewa gida za ta ci gaba da aiki tare da wasu daga cikin Gwamnatin don tabbatar da cigaba a Jihar.

Karanta kuma Atiku Abubakar, ya yi alkawarin bawa matasan Najeriya dama mulki a gwamnatinsa idan aka zabe shi a zaben shekarar 2019.