Connect with us

Manyan labarai daga jaridun Najeriya

Manyan Labarai daga Jaridun Najeriya ta ranar Litinin, 18 ga Watan Fabrairun, Shekara ta 2019

Published

on

Wadannan ne Manyan Labarai ta Jaridun Najeriya a yau Litinin, 18 ga Watan Fabrairun, 2019

1. Gidan Majalisar Dattijai sun daga zamar su, sun kuma sanya sabuwar rana don ganawa

Shugabancin Gidan Majalisar Dattijai sun daga ranar zaman su daga Talata, 19 ga Watan Fabrairun zuwa ranar Talata, 26 ga watan Fabrairu.

A fadin Mohammed Sani-Omolori, magatakardan gidan Majalisar, Ya bayyana da cewa majalisar ta daga ganawar ne sanadiyan zaben shugaban kasa da na gidan majalisa da aka daga.

2. Yadda Buhari, Jam’iyyar APC da Amina Zakari suka daga zaben 2019  – PDP

Jam’iyyar adawa, PDP sun zargi shugaba Muhammadu Buhari, jagorancin Jam’iyyar APC da Amina Zakari da kulle-kulle da ya kai hukumar INEC ga daga ranar zaben shugaban kasa da ya auku a ranar Asabar da ta gabata.

Inji fadin kakakin yada yawun Jam’iyyar PDP, Mista Kola Ologbondiyan, a wata gabatarwa da yayi . Ya ce “Anyi amfani da Amina Zakari da wadansu don dakatar da zaben ranar Asabar.

3. An kashe kwamanda Ukku na kungiyar Boko Haram

Kwamandodi ukku na kungiyar Boko Haram sun mutu a wata ganawar wuta da rundunar sojojin Najeriya suka yi da ‘yan ta’addan.

Rundunar sojojin Najeriya sun yi ganawar wuta da ‘yan ta’addan Boko Haram ne a ranar Asabar da ta gabata a yankin Warawara ta Jihar Borno.

4. Okorocha, Amosun da Ajimobi ba zasu chi kujeran sanata ba – inji wani Annabi

wani Annabi mai suna, Temitope Aduroja, da yayi annabci da game da zaben shekarar 2015 akan tsohon shugaban kasa, Goodluck Jonathan.

Ya kuma yi annabci akan daga zaben 2019. Ya ce “Gwamnoni da ke tseren kujerar sanata ba za su ci ba”.

Ya lisafta gwamnoni kamar, Isiaka Ajimobi na Jihar Oyo, Ibikunle Amosun, gwamnan Jihar Ogun; da Rochas Okorocha, gwamnan Jihar Imo.

5. Jam’iyyar PDP ta Jihar Ekiti sun yi kira da kulawa ga kayakin zabe da aka kai a Jihar

Jam’iyyar PDP sun yi wata hange game da kayakin zabe da hukumar INEC ta rabar a Jihar don zabe, kamin aka daga zaben ranar Asabar da ta gabata. kamar; samar da takardan rubuta sakamakon zabe da yawa, da kuma mayar da kayakin zabe a jinkiri kamin aka daga zaben ranar Asabar.

Jam’iyyar sun bayyana da cewa, a kularsu, kayakin zabe da aka mayar basu cika ba.

6. Sanata Dino Melaye ya samu tsira daga wata hari

Sanata da ke wakiltar Jihar Kogi ta Yamma daga Jam’iyyar PDP, Sanata Dino Melaye ya tsira daga wata harin da wasu da ke sanye da rigunan sojoji suka yi masa a ranar Asabar da ta gabata.

Dino ya sanar da wannan ne a shafin yanar gizon nishadin sa ta twitter a ranar Asabar da cewa, “Wasu ‘yan hari da bindiga da ke sanye da rigunan sojoji sun hari motar da nike ciki da harbi a ranar Asabar”.

7. Hadaddiyar kungiyar Jam’iyoyi na zargin Buhari da musanya shugaban INEC

Bayan daga zaben shugaban kasa da ya auku ranar Asabar da ta wuce, hadaddiyar kungiyar jam’iyoyin siyasa sun bayyana da cewa shugaba Muhammadu Buhari na shirin dakatar da shugaban hukumar INEC, Mahmood Yakubu da musanya shi da Amina Zakari.

Mun samu tabbacin wannan ne a Naija News kamar yadda kungiyar CUPP ta gabatar da cewa ana shirin musanya Mahmood Yakubu da Amina Zakari a matsayin sabon shugaban kadamar da zaben kasa.

8. Sanata Adamu ya kalubalanci hukumar INEC akan daga zaben ranar Asabar

Sanatan da ke wakiltar Nasara ta yamma a Jam’iyyar APC, Sanata Abdullahi Adamu ya ce “Dakatarwa da kuma daga ranar zaben shugaban kasa da hukumar INEC ta yi, abu mai kyau ne, amma hukumar ta yi hakan cikin kuraran lokaci”.

Muna da sani a Naija News Hausa da cewa hukumar gudanar da zaben kasa, INEC ta daga zaben shugaban kasa da ya kamata a yi a ranar Asabar 16 ga watan Fabrairun da ta wuce.

Ka samu cikakkun labaran Najeriya a shafin Najia News Hausa

Manyan labarai daga jaridun Najeriya

Manyan Labarai daga Jaridun Najeriya ta ranar Talata, 31 ga Watan Disamba, Shekara ta 2019

Published

on

Wadannan ne Manyan Labarai ta Jaridun Najeriya a yau Talata, 31 ga Watan Disamba, 2019

1. Shugaba Buhari ya Tsauta Wa Ministoci Da Mataimakansu da Tafiye-tafiye

Shugaba Muhammadu Buhari ya gabatar da wasu sabbin umarni da ke takaita adadin lokuta da Ministoci zasu iya tafiya a cikin shekara guda.

Ministan yada labarai, al’adu da yawon shakatawa, Lai Mohammed ne ya sanar da hakan a ranar Litinin.

2. Buhari Da Bakare Sunyi Wani Ganawar Siiri A Aso Rock

Fasto Tunde Bakare, babban Fasto na Majami’ar Latter Rain a ranar Litinin, ya yi wata ganawar siiri da Shugaba Muhammadu Buhari a fadar shugaban kasa a Aso Rock Villa, Abuja.

Ganawar siiri da Bakare yayi tare da Shugaban kasar ta fara ne da misalin karfe 3 na rana, kuma ya dauki kusan mintuna 30 kamin karsheta a fahimtar Naija News.

3. Buratai Ya Kaurace Wa Taron Da Buhari Yayi Da Shugabannin Ma’aikata

Shugaban kasa Muhammadu Buhari a ranar Litinin din da ta gabata ya yi wata ganawar siiri da shuwagabannin ma’aikata a gidan gwamnati da ke Abuja, an yi imanin cewa taron itace na karshe ga shekara ta 2019.

An yi imanin cewa taron ya kasance ne kan zancen tsaron kasa daga hannun shugabannin tsaro.

4. Buba Galadima Ya Bayyana Wanda Shugaba Buhari yake Tsoro Fiye Da Allah

Buba Galadima, wanda shine tsohon kakakin kungiyar yakin neman zaben shugaban kasa na jam’iyyar PDP, ya bayyana cewa shugaban kasa Muhammadu Buhari yana tsoron ‘yan farar fata, musamman gwamnatin Amurka fiye da Allah.

Naija News ta ruwaito cewa Galadima yayi wannan furucin ne yayin martani kan ikirarin da Lauyan Janar din kuma Ministan Shari’a, Abubakar Malami, ya bayar cewa an saki Sambo Dasuki, tsohon mai ba da shawara kan harkar tsaro, da Omoyele Sowore, dan jaridar Sahara Reporters, bisa dalilan jin kai.

5. 2023: Buba Galadima ya aika da Gargadi mai karfi ga Tinubu game da Buhari

Alhaji Buba Galadima, jigo a jam’iyyar Peoples Democratic Party (PDP) da kuma tsohon abokin hamayya na Shugaba Muhammadu Buhari, ya koka da cewa shugaban kasar ba ya taba taimaka wa kowa.

A cikin bayanin Galadima, ya kara da cewa ba a san Buhari da taba taimakawa wadanda suka taimaka masa a harkan siyasa ba.

6. Gwamnatin Legas Tayi Ikirarin Kame Duk Asibitocin Da Suka gaza bada Kulawa ga wadanda suka jikkata da harbin bindiga

Gwamnatin jihar Legas ta yi kira ga dukkanin asibitoci da wadanda ke a fannin kiwon lafiya, hadi da wadanda ke cibiyoyin kiwon lafiya na gwamnati da na masu zaman kansu da ke aiki a jihar da su daina yin watsi da wadanda ‘yan bindiga suka rutsa da su.

Gwamnatin jihar ta kuma nemi asibitocin da su janye daga halin guji da rashin bada kulawa ga masu mugun rauni a kan uzurin neman rahoton ‘yan sanda ko kuma bukatar samar da shaidar kudade kafin fara jinyarsu.

7. 2020: ‘Yan Najeriyar Za Su Fuskanci Mawuyacin Yanayi A Karkashin Mulkin Buhari – Shehu

Shehu Sani, tsohon Sanata wanda ya wakilci Kaduna ta Tsakiya a jagorancin Sanatoci na 8 na Najeriya, ya ce ‘yan Najeriya za su kara fuskantar wahala a karkashin Shugaba Muhammadu Buhari a shekarar 2020.

Naija News ta samu labarin cewa tsohon dan majalisar ya yi wannan tsokaci ne yayin wani shirin rediyo a gidan Rediyon Invicta FM a Kaduna ranar Lahadin da ta gabata.

8. PDP Ta Kalubalanci APC Akan Yawan Karuwar Rashin Aiki A Najeriya

Jam’iyyar Peoples Democratic Party (PDP) ta sake yin tir da jam’iyyar All Progressives Congress (APC) kan karuwar rashin aikin yi a kasar.

A wata sanarwa dauke da sa hannun jami’in hulda da jama’a na jam’iyyar PDP, Mista Kola Ologbondiyan, ya fada da cewa jam’iyyar APC cewa ta lallatar da harkokin kasar ta hanyar tafiyar da harkokin a siyasance da musanman kan yanayin rashin aiki a kasar, da kuma cewa su shirya don fuskantar kalubalan ayukansu a shekara ta 2023.

Ku sami kari da Cikakken Labaran Najeriya ta yau a shafin Naija News Hausa

Continue Reading

Manyan labarai daga jaridun Najeriya

Manyan Labarai daga Jaridun Najeriya ta ranar Litini, 30 ga Watan Disamba, Shekara ta 2019

Published

on

Wadannan ne Manyan Labarai ta Jaridun Najeriya a yau Litini, 30 ga Watan Disamba, 2019

1. Abinda Zai Faru Da Najeriya A Shekarar 2020

Aare Gani Adams, Sarkin Onakakanfo na Yarbawa ya bayyana abin da zai faru da kasar Najeriya a 2020.

A cikin bayanin Sarki Adamu, za a sami takunkumi da kalubalai daga bangarorin kasashe daban-daban na duniya a kan Najeriya a shekarar 2020.

2. Nnamdi Kanu Ya Bayyana Dalilin da ya sa ‘Allah Ke Fushi da Najeriya

Shugaban kungiyar ‘Yan asalin yankin Biafra (IPOB) kuma Daraktan Rediyon Biafra, Nnamdi Kanu, ya ce Allah ya na fushi da Najeriya.

Kamfanin dillancin labarai na Naija News ta bayar da rahoton cewa Kanu ya yi wannan ikirarin ne yayin hirar sa da aka gabatar kwanan nan a Radio Biafra inda ya ba da sanarwar cewa “Biafra ita ce masarautar da kawai muke nema a kasar.”

3. Biafra: Nnamdi Kanu Ya Yi Zargi Kan Shugaba Buhari

Shugaban kungiyar ‘Yan asalin yankin Biafra (IPOB) kuma Daraktan Rediyon Biafra, Nnamdi Kanu, ya zargi ma’aikatan kamfanin Facebook a Najeriya da hada baki da gwamnatin Shugaba Muhammadu Buhari don cire mabiyansa da rage sakonnansu a shafin sa na dandalin sada zumunta na yanar gizo, watau Facebook.

Naija News ta rahoto cewa shugaban IPOB din da ya yi wannan ikirarin a wata sanarwa kwanan nan da ya sanya hannu, ya ce abin ya yi muni kwarai da gaske cewa babbar shafin sadarwa ta yanar gizon tana karkatar da wasu daga mabiyanta zuwa wata asusun karya da aka bude da sunansa, don kawai a lalata kokarinsa ga samun ‘yanci ga Biafra.

4. Ba a Dakatar Da Obaseki Ba, Oshiomhole Kuma yaci gaba da Jagoran mu – APC

Shugaban jam’iyyar All Progressives Congress (APC) na Jihar Edo, Anselm Ojezua, ya ce shugaban jam’iyyar na kasa, Adams Oshiomhole, ba shine shugaban jam’iyyar a jihar ba.

Ojezua ya sanar da hakan ne yayin da yake zantawa da manema labarai a ranar Asabar bayan wata ganawa da ya yi da shugabannin jam’iyyar a Edo ta Arewa a karamar hukumar Jattu-Uzaire, karamar hukumar Etsako ta yamma na jihar.

5. ISWAP: Musulmai Suna Allah Wadai Da Kashe Kashen Kiristoci – Shehu Sani

Tsohon Sanata a Jihar Kaduna, Sanata Shehu Sani ya yi Allah wadai da kisan Kiristocin da membobin kungiyar Islamic State a Afirka ta Yamma (ISWAP) suka yi a kwannanan.

Ka tuna, Naija News ta ruwaito a baya da rahoton cewa membobin kungiyar ISWAP a ranar Kirsimeti sun kashe mutane goma sha daya, wadanda yawancinsu duk Kiristoci ne.

6. APC Da PDP Ba zasu Zantar da Ayyukan Majalisar Dattawa ba – Lawan

Shugaban Majalisar Dattawa, Ahmad Lawan ya ce Jam’iyyun All Progressives Congress (APC) da jam’iyyar Peoples Democratic Party (PDP) ba za su tantance ayyukan majalisar dattawa ba.

Shugaban Majalisar Dattawa ya sanar da hakan ne a ranar Asabar a jihar Yobe, yayin wani liyafar da aka gudanar don girmama masa.

7. ‘Yan Shi’a:‘ Yancin El-Zakzaky Ba A Hannun El-Rufai Yake ba – IMN Sun fada wa Gwamnatin Shugaba Buhari

Kungiyar Islamic Movement of Nigeria (IMN), wacce kuma aka fi sani da suna Shi’a, ta yi Allah wadai da bayanin gwamnatin Shugaba Muhammadu Buhari na cewa ‘yancin shugabanta, Ibrahim El-Zakzaky ya dangana ne a hannun gwamna Nasir El-Rufai na Kaduna.

Naija News ta tuno cewa yan Shi’a sun yi kiran a saki El-Zakzaky ne bayan sakin Sambo Dasuki da Omoyele Sowore.

8. Yadda DSS Suka Aiko Da ‘Yan Ta’adda Don Bubbuge Ni – Deji Adeyanju

Dan gwagwarmayar siyasa Deji Adeyanju ya zargi Ma’aikatar Tsaro ta Kasa (DSS) da aikar da wasu ‘yan ta’adda da suka yi masa mugun bugu a yayin zanga-zanga.

Naija News ta tuno da cewa wasu ‘yan ta’adda sun hari Adeyanju tare da sauran masu zanga-zangar neman a saki Omoyele Sowore a Abuja.

Ku samu kari da Cikakken Labaran Najeriya a shafin Naija News Hausa

Continue Reading

Manyan labarai daga jaridun Najeriya

Manyan Labarai daga Jaridun Najeriya ta ranar Asabar, 28 ga Watan Disamba, Shekara ta 2019

Published

on

Wadannan ne Manyan Labarai ta Jaridun Najeriya a yau Asabar, 28 ga Watan Disamba, 2019

1. Boko Haram: Shugaba Buhari Ya Roki ‘Yan Najeriya

An yi kira ga ‘yan Najeriya da kada su yarda ‘yan ta’adda su raba kasar biyu ta hanyar addini.

Shugaban kasa Muhammadu Buhari ne ya yi wannan kiran a cikin wata sanarwa da kakakinsa, Garba Shehu ya sanya wa hannu da kuma aka bayar ga manema labarai a yau.

2. Jirgin Sama Dauke Da Tarin Mutane 100 Ta Rushe

Wani jirgin sama dauke da mutane 100 a cikinta ta fadi a Kazakhstan, inda tayi sanadiyar mutuwar a kalla mutane goma sha hudu, bisa fahimtar Naija News.

A cewar jami’ai, jirgin na Bek Air ya fadi ne jim kadan bayan tashinsa daga tashar jirgin saman ta Almaty da safiyar ranar Juma’a.

3. Tsohon Mashawarcin Tsaron Kasa, Dasuki Ya Bayyana Shirinsa Na gaba Bayan Sakinsa Daga Shekaru 4 Kame

Wani tsohon mai ba da shawara a kan tsaro na kasa (NSA), Kanal Sambo Dasuki, wanda ya samu ‘yanci kwanan nan bayan tsare shi da aka yi na tsawon shekaru hudu a kurkuku, ya bayyana cewa ba zai ba da wata hira ga manema labarai ba.

Dasuki, wanda shi ne Yarima na Khalifancin Sakkwato, ya yi wannan wahayin ne a cikin wata ganawa da manema labaran DAILY POST ta hanyar wani abokinsa, a Daren ranar Alhamis, 26 ga Disamba.

4. Jonathan Ya Shawarci Shugaba Buhari Kan Matakin Da Zai Dauka Ga Maharansa

Tsohon Shugaban Kasa, Goodluck Jonathan ya yi kira ga Gwamnatin Tarayya karkashin jagorancin Muhammadu Buhari da ta kama tare da tsananta wa ‘yan bindigar da suka kai hari gidansa a Otuoke, Jihar Bayelsa.

Kamfanin dillancin labarai na Naija News ta ba da rahoton cewa, tsohon shugaban bai sami rauni ba a harin wanda mutane da yawa ke zargin cewa ana son ne kashe shi.

5. Shugaba Buhari ya bayyana Ra’ayinsa a kan Shugaban Majalisar Dattawa, Lawan

Shugaban kasa Muhammadu Buhari ya yabawa Shugaban Majalisar Dattawa, Ahmad Lawan.

Shugaban kasar ya bayyana hakan ne a yayin da yake ba da shawara ga dan Lawan, Ibrahim, a wajen bikin auren sa.

6. Ohanaeze Sun yi Magana kan Tsige Shugaban kasa Buhari

Kungiyar gamayyar al’adu na Igbo, Ohanaeze Ndigbo ta ce furcin da kakakin shugaban kasa Muhammadu Buhari, Garba Shehu ya yi na cewa akwai wasu rukuni a fadar shugaban kasa dake tafiyar da lamarin kasar ya isa ma kawai a tsige shugaban.

A cewar Shehu, Rukunin mutane ne masu nasarori da yawa ne da kuma girmamawa a kasar.

7. Wani Mutum Ya Bugi Matarsa Har Ga Mutuwa Ranar Kirsimeti

Rundunar ‘yan sanda reshen jihar Ogun ta kama wani mutum da aka sani da suna Mutiu Sonola, da laifin buge matarsa Zainab, har ga mutuwa a ranar Kirsimeti.

Kakakin rundunar, Abimbola Oyeyemi ne ya bayyana hakan.

Ka samu kari da Cikakken Labaran Najeriya ta yau da kullum a shafin Naija News Hausa

Continue Reading

Trending