Connect with us

Labarai Hausa

DAPCHI: Ina ganin diyata a mafarki – inji Baban Leah Sharibu

Published

on

Mista Nathaniel Sharibu, tsohon yarinyar da ke a kangin ‘yan Boko Haram ya fada da cewa yana ganin diyar shi a mafarki kusan kullum.

Mun tuna da cewa Leah Sharibu na daya daga cikin ‘yan makaranta da ‘yan ta’addan Boko Haram suka kwashe daga Makarantar Sakandiri na Mata na garin Dapchi ta Jihar Yobe kwanakin baya.

Ko da shike dai da baya an sake sauran ‘yan makarantar, amma ‘yan ta’addan basu saki Leah Sharibu ba.

Kamar yadda aka bayyana, ‘yan ta’addan sun ki sake Leah ne wai don taki amincewa da janye wa daga addinin ta na Kirista zuwa addinin musulunci, kamar yadda suka bukace ta da yin haka.

“Yau ya kai shekara daya rabuwarmu da ganin diyar mu, amma kusan kowane dare ina ganin Leah a mafarki tana cewa, ‘Baba ya kuke?” inji Mista Sharibu, kamar yadda ya gayawa manema labarai.

Mista Sharibu ya bukaci ‘yan Najeriya, musanman manema labarai da cewa sun tuna wa gwamnatin tarayya a jagorancin shugaba Muhammadu Buhari game da alkawarin da aka yi mashi da cewa za a ribato yarinyar daga kangin ‘yan ta’addan boko haram.

Mun tuna a Naija News da cewa ‘yan ta’addan (ISWAP), rukunin Boko Haram ne suka sace Leah Sharibu hade da sauran ‘yan mata a ranar 19 ga watan Fabrairu, a shekara ta 2018.

Mun kuma tuna da cewa ‘yan ta’addan sun yi barazanar cewa Leah zata kasance kangin su har abada idan har gwamnati ba ta dauki matakin ribato Leah ba.

Mun ruwaito a baya da cewa gwamnatin tarayya sun yi barazanar cewa Leah Sharibu bata Mutu ba, kamar yadda Ministan yada Labaru da Al’adun kasa, Alhaji Lai Mohammed ya fada.

“Yau shekara daya cik amma bamu kara jin komai ba game da diyar mu, gwamnatin tarayya na alkwalri ne kawai amma har yanzu ba su cika ba” inji shi.

“A baya dai shugaba Muhammadu Buhari ya kira mata na, Rebecca Sharibu, a kan layi da bada tabbaci da cewa zasu ribato diyar mu, amma harwayau bamu gana da diyar mu ba” inji shi.

“Ina kira ga manema labarai da ‘yan Najeriya duka da su tunawa gwamnatin Najeriya game da diyar mu da ke tare da ‘yan ta’addan Boko Haram.

Karanta wannan kuma: Jami’an Yan Sanda sun kame Masu Sace-Sacen Yara a Birnin Abuja

Labarai Hausa

DSS Sun Kame Wanda Ya Shirya Bidiyon Shairi Kan Auren Shugaba Buhari Da Zainab, da Sadiya Farouq

Published

on

Ofishin Hukumar Tsaron Kasa (DSS) at sanar da kama Kabiru Mohammed, mutumin da ake zargi da kulla shellan karya kan auren Shugaba Buhari.

Naija News ta tuna cewa an bayyana wani rahoto a kusan  Oktoba ta shekarar 2019 cewa Shugaba Buhari ya shirya aure da Ministan Kulla da Al’umma, Sadiya Umar Farouq.

Day Dr. Peter Afunaya, kakakin yada yawun hukumar ke bada bayani kan lamarin, ya ce, an fara gudanar da bincike ne, biyo bayan korafin da Ministan Kudi ya yi wa Ma’aikatar.

Naija News ta fahimci cewa an kama Mutumin, mai shekaru 32 ga haifuwa ne saboda kirkirar wata bidiyo da kuma yada bidiyon karyar wanda ke nuna Shugaba Muhammadu Buhari na bikin auren Ministan Kasa, Zainab Ahmed da Ministan Harkokin Al’adu da Ci gaban Jama’a, Sadiya Farouq.

Ya bayyana da cewa sunyi kamun ne bayan da daga cikin Ministocin tayi gabatar da karar a ofishin su da neman su kame duk wanda suka gane da shirya da kuma watsar da bidiyon.

“Hukumar mu kuwa ta gane da kuma kame wanda ya shirya da kuma watsar da bidiyon. Sunansa Kabiru Mohammed. Dan Kano ne da kuma shekara ga 32 haifuwa. Ya kuma karanci yaran Fulfude da Hauda a makarantar jami’a ta Federal College of Education, Kano, da kuma karatun sashin Sadarwa daga Aminu Kano Islamic School.“

“Ya riga ya amince da aikata hakan kuma mun ci gaba da bincike kan dalilin hakan.” Inji shi.

Mutumin kuwa a ganewar Naija News Hausa ya nemi afuwa kan laifin sa da kuma bayyana cewa lallai aikin Sheidan ne. Ya kuma kara da cewa shi dan Jam’iyyar

Kwakwasiya ne a jihar Kano.

Continue Reading

Labarai Hausa

Gwamna Ganduje Ya Nada Mata Mataimaka na Musamman Guda 5 A Kano

Published

on

Gwamnan Jihar Kano, Abdullahi Ganduje ya gabatar da nadin wasu mata Biyar a Kano

Wata tsohuwar Kwamishina mai kula da harkokin mata, Hajiya Hajiya Yardada Maikano Bichi, tana daga cikin mata biyar na Musamman Mataimaka, wadanda gwamnan jihar Kano, Dokta Abdullahi Umar Ganduje ya nada.

Gwamna Ganduje bayan nadin dukkansu da kuma bayar da umarnin su fara aiki nan take, ya umarci dukkan wadanda aka nada da su tabbatar da kwarewarsu yayin aiwatar da ayukansu a kowane ofishi.

A cewarsa, “tunda aka zabe ku a cikin jerin mutane da yawa, ya nuna a fili da cewa muna tabbatar wa jihar da cewa kuna da abin da zai kawo ci gaban jihar.”

“Ya kamata ku tabbatar da cewa kun bi dukkanin manufofin gwamnati da shirye-shiryen da suka danganci ofisoshinku, har ma da hakan, kuna kulawa da su da dukkan hankali.”

Wadanda aka nada sun hada da, Hajiya Fatima Abdullahi Dala, a matsayin mai ba da shawara ta musamman a shafin Kulawa ga Yara da kuma Ayukan Mata; Dokta Fauziyya Buba a matsayin mai ba da shawara ta musamman a Ma’aikatar Kiwon Lafiya; Hajiya Aishatu Jaafaru, mai ba da shawara ta musamman kan Shirin ciyar da ‘yan makaranta;  Hajiya Hama Ali Aware kuma a matsayin Mai Bada shawara na musamman akan Zuba Jarin Kasashen waje, da kuma Hajiya Yardada Maikano Bichi, a matsayin Mashawarci na Musamman kan Kungiyoyi masu zaman kansu.

Continue Reading

Labarai Hausa

‘Yan Hisbah Sun Kame Wani Dan Sanda Da Wasu Mata Uku a Gusau

Published

on

Hukumar Hisba ta jihar Zamfara ta bayyana kame wani jami’in ‘yan sanda da wasu mata uku da ake zarginsu da aikata muggan laifuka a wani otal da ke Gusau.

Shugaban hukumar, Dakta Atiku Zawuyya ne ya bayyana hakan yayin da yake gabatar da wadanda ake zargin a hedikwatar hukumar ranar Litinin din nan da ta wuce.

Dakta Zawuyya ya bayyana da cewa an kama jami’in ‘yan sanda da ke aiki tare da ofishin‘ yan sanda ta Central Police Station da ke a Gusau tare da ’yan matan uku a wani ‘Otal, da zargin su da aikata laifin da suka saba wa ka’idar Sharia.

Zawuyya ya ce binciken farko da hukumar ta gudanar ya nuna cewa daya daga cikin ‘yan matan uku da aka kama ta fito ne daga jihar Kaduna yayin da sauran biyun kuma ‘yan gida guda ne a Zamfara.

Shugaban ya ce hukumar sau da yawa ta gargadi masu kula da otal din kan amince da shigar da irin wadannan mutane a Otal din amma sun kasa bin ka’idoji da ke jagorantar gudanar da kasuwancin otal a jihar.

Kamfanin Dillancin Labaran Najeriya (NAN) sun bayar da rahoton cewa, jami’an hukumar Hisba sun kame harda Manaja da ke kula da Otal din.

Zawuyya ya karshe da cewa za a gurfanar da wadanda ake zargin zuwa kotu bayan cikakken bincike. (NAN).

Continue Reading

Trending