Connect with us

Labarai Hausa

An sace mutane 35 a Jihar Neja

Published

on

Naija News Hausa ta samu rahoto da cewa wasu ‘yan hari sun sace kimanin mutane 35 a Jihar Neja

“Mahara da bindigan sun fado wa kauyan mu ne a tsakiyar rana da harbe-harben bindiga a sama, bamu da wata mafita iya fadawa cikin daji” inji Shuaibu, wani mazaunin daya daga cikin kauyukan da aka yi wa harin a karamar hukumar Shiroro.

Rahoto ta bayar da cewa kimanin mutane Talatin da biyar (35) ne aka sace a yankin, bayan mutane biyar (5) da aka kashe a nan take. kamar yadda muka samu rahoton.

Mugun harin ya faru ne ‘yan kwanaki da suka gabata a cikin yankuna goma sha bakwai (17) da ke tsakanin karamar hukumar Rafi da kuma Shiroro ta Jihar Neja.

“Iyalan wasu daga cikin mutanen da aka sace sun rigaya sun biya kudi don samun kubutar da mutanen su daga hannun ‘yan harin. Wasu lokatai ma mu kan je neman kudi ne don mu samu ribato ran wadanda ‘yan hari ke sace wa a yankunan mu” inji Aliyu Shuaibu.

Aliyu Shuaibu ya bayyana ga manema labarai a ranar Talata da ta gabata da cewa sun iya gane cewa ‘yan harin makiyayan shanaye ne da tumaki. “Kuma sun gane da sace-sacen mutane a yankin mu, amma a wannan lokaci gaskiya sun sace mutanen mu da yawar gaske” inji shi.

“Sun sace Mata, Mazaje, yaran mu da kayakin mu duka” inji Hafsat Ibrahim, daya daga cikin mazaunin yankin Shiroro. inda abin ya faru.

Hassan Garba, daya daga cikin mutanen da aka sace a baya, ya fada da cewa “Sun sace ni ne da ‘yan uwa na, suka kuma bukace mu da biyar naira Miliyan goma shadaya (11) kamin su sake mu”

“Sun sake ni ne don inje neman kudi in kuma dawo ron ribato ran ‘yan uwa na. Duk iya kokari na, Miliyan daya ne kawai na samu. da kuma na biya Miliyan daya din, sai ko suka sake ni da ‘yan uwa na duka” inji Hassan.

“Da ace ban biya kudin ba, da sun kashe mu duka” inji shi.

Gwamnan Jihar, Abubakar Belllo, yayi rantsuwa da cewa zai magance wadanda ke aiwatar da irin wannan mugun halin.

Ya kuma gabatar da cewa gwamnatin jihar ta fara daukar matakai akan hakan don ganin cewa an samar da isashen tsaro a jihar.

Gwamna Bello ya gabatar da hakan ne a lokacin da ya ziyarci mutane 4,600 da ‘yan harin suka sake bayan kame su a Kagara a wata makarantar Firamare ta Pandogari.

Mun ruwaito a baya a Naija News Hausa da cewa jami’an tsaron jihar Neja sun kame wata mai suna Habiba Usman da ake zargi da sanadiyar kamewan da ‘yan hari suka yi mata.

Labarai Hausa

DSS Sun Kame Wanda Ya Shirya Bidiyon Shairi Kan Auren Shugaba Buhari Da Zainab, da Sadiya Farouq

Published

on

Ofishin Hukumar Tsaron Kasa (DSS) at sanar da kama Kabiru Mohammed, mutumin da ake zargi da kulla shellan karya kan auren Shugaba Buhari.

Naija News ta tuna cewa an bayyana wani rahoto a kusan  Oktoba ta shekarar 2019 cewa Shugaba Buhari ya shirya aure da Ministan Kulla da Al’umma, Sadiya Umar Farouq.

Day Dr. Peter Afunaya, kakakin yada yawun hukumar ke bada bayani kan lamarin, ya ce, an fara gudanar da bincike ne, biyo bayan korafin da Ministan Kudi ya yi wa Ma’aikatar.

Naija News ta fahimci cewa an kama Mutumin, mai shekaru 32 ga haifuwa ne saboda kirkirar wata bidiyo da kuma yada bidiyon karyar wanda ke nuna Shugaba Muhammadu Buhari na bikin auren Ministan Kasa, Zainab Ahmed da Ministan Harkokin Al’adu da Ci gaban Jama’a, Sadiya Farouq.

Ya bayyana da cewa sunyi kamun ne bayan da daga cikin Ministocin tayi gabatar da karar a ofishin su da neman su kame duk wanda suka gane da shirya da kuma watsar da bidiyon.

“Hukumar mu kuwa ta gane da kuma kame wanda ya shirya da kuma watsar da bidiyon. Sunansa Kabiru Mohammed. Dan Kano ne da kuma shekara ga 32 haifuwa. Ya kuma karanci yaran Fulfude da Hauda a makarantar jami’a ta Federal College of Education, Kano, da kuma karatun sashin Sadarwa daga Aminu Kano Islamic School.“

“Ya riga ya amince da aikata hakan kuma mun ci gaba da bincike kan dalilin hakan.” Inji shi.

Mutumin kuwa a ganewar Naija News Hausa ya nemi afuwa kan laifin sa da kuma bayyana cewa lallai aikin Sheidan ne. Ya kuma kara da cewa shi dan Jam’iyyar

Kwakwasiya ne a jihar Kano.

Continue Reading

Labarai Hausa

Gwamna Ganduje Ya Nada Mata Mataimaka na Musamman Guda 5 A Kano

Published

on

Gwamnan Jihar Kano, Abdullahi Ganduje ya gabatar da nadin wasu mata Biyar a Kano

Wata tsohuwar Kwamishina mai kula da harkokin mata, Hajiya Hajiya Yardada Maikano Bichi, tana daga cikin mata biyar na Musamman Mataimaka, wadanda gwamnan jihar Kano, Dokta Abdullahi Umar Ganduje ya nada.

Gwamna Ganduje bayan nadin dukkansu da kuma bayar da umarnin su fara aiki nan take, ya umarci dukkan wadanda aka nada da su tabbatar da kwarewarsu yayin aiwatar da ayukansu a kowane ofishi.

A cewarsa, “tunda aka zabe ku a cikin jerin mutane da yawa, ya nuna a fili da cewa muna tabbatar wa jihar da cewa kuna da abin da zai kawo ci gaban jihar.”

“Ya kamata ku tabbatar da cewa kun bi dukkanin manufofin gwamnati da shirye-shiryen da suka danganci ofisoshinku, har ma da hakan, kuna kulawa da su da dukkan hankali.”

Wadanda aka nada sun hada da, Hajiya Fatima Abdullahi Dala, a matsayin mai ba da shawara ta musamman a shafin Kulawa ga Yara da kuma Ayukan Mata; Dokta Fauziyya Buba a matsayin mai ba da shawara ta musamman a Ma’aikatar Kiwon Lafiya; Hajiya Aishatu Jaafaru, mai ba da shawara ta musamman kan Shirin ciyar da ‘yan makaranta;  Hajiya Hama Ali Aware kuma a matsayin Mai Bada shawara na musamman akan Zuba Jarin Kasashen waje, da kuma Hajiya Yardada Maikano Bichi, a matsayin Mashawarci na Musamman kan Kungiyoyi masu zaman kansu.

Continue Reading

Labarai Hausa

‘Yan Hisbah Sun Kame Wani Dan Sanda Da Wasu Mata Uku a Gusau

Published

on

Hukumar Hisba ta jihar Zamfara ta bayyana kame wani jami’in ‘yan sanda da wasu mata uku da ake zarginsu da aikata muggan laifuka a wani otal da ke Gusau.

Shugaban hukumar, Dakta Atiku Zawuyya ne ya bayyana hakan yayin da yake gabatar da wadanda ake zargin a hedikwatar hukumar ranar Litinin din nan da ta wuce.

Dakta Zawuyya ya bayyana da cewa an kama jami’in ‘yan sanda da ke aiki tare da ofishin‘ yan sanda ta Central Police Station da ke a Gusau tare da ’yan matan uku a wani ‘Otal, da zargin su da aikata laifin da suka saba wa ka’idar Sharia.

Zawuyya ya ce binciken farko da hukumar ta gudanar ya nuna cewa daya daga cikin ‘yan matan uku da aka kama ta fito ne daga jihar Kaduna yayin da sauran biyun kuma ‘yan gida guda ne a Zamfara.

Shugaban ya ce hukumar sau da yawa ta gargadi masu kula da otal din kan amince da shigar da irin wadannan mutane a Otal din amma sun kasa bin ka’idoji da ke jagorantar gudanar da kasuwancin otal a jihar.

Kamfanin Dillancin Labaran Najeriya (NAN) sun bayar da rahoton cewa, jami’an hukumar Hisba sun kame harda Manaja da ke kula da Otal din.

Zawuyya ya karshe da cewa za a gurfanar da wadanda ake zargin zuwa kotu bayan cikakken bincike. (NAN).

Continue Reading

Trending