Connect with us

Manyan labarai daga jaridun Najeriya

Manyan Labarai daga Jaridun Najeriya ta ranar Jumma’a, 15 ga Watan Maris, Shekara ta 2019

Published

on

Wadannan ne Manyan Labarai ta Jaridun Najeriya a yau Jumma’a, 15 ga Watan Maris, 2019

 

1. Kotun kara ta bayar da dama ga Shugaba Buhari don binciken kayakin zaben 2019

A ranar Alhamis da ta gabata, Kotun kara ta bayar da dama ga shugaba Muhammadu Buhari da Jam’iyyar APC da binciken kayakin da aka gudanar da zaben 2019 da ita.

Naija News Hausa ta gane da cewa jam’iyyar APC sun bukaci hakan ne bayan da dan takaran kujerar shugaban kasa daga Jam’iyyar PDP, Alhaji Atiku Abubakar ya bukaci hukumar INEC a baya da bincike akan kayakin da aka yi amfani da ita wajen zaben 2019.

2. Ku dauki jagorancin Mabulbulan Man Fetur, Buhari ya gayawa NNPC

Shugaba Muhammadu Buhari ya bada umarni ga Kamfanin Man Fetur na Najeriya (NNPC) da cewa su cigaba da jagorancin gidan Man Fetur mai Mabulbula goma shadaya ta (Shell Petroleum Development Company – SPDC).

Naija News ta gane da hakan ne a wata wasika da aka wallafa ga Daraktan Kamfanin Man Fetur ta NNPC, Dakta Maikanti Baru, a ranar 1 ga watan Maris, shekara ta 2019.

3. INEC: Ku fara kadamar da shirin kan zaben 2023, Farfesa Mahmood ya gayawa ‘yan Majalisu

Shugaban Hukumar Gudanar da Zaben Kasa (INEC), Farfesa Mahmood Yakubu ya shawarci sanatocin Najeriya da cewa su fara kadamar da shiri akan zaben shekarar 2023, da bincike akan dokar zaben kamin lokacin ya gabato.

Farfesa Yakubu ya gabatar da hakan ne ga sanatocin a wajen hidimar mika takardan komawa ga kujerar mulki ga sabbin sanatocin kasar Najeriya da hukumar ta gudanar a birnin Abuja, ranar Alhamis da ta gabata.

4. Kotu ta hana Hukumar INEC da gudanar da zaben karo ta biyu a Jihar Adamawa

Kotun koli ta Jihar Adamawa ta hana hukumar gudanar da zaben kasa (INEC) da kadamar da zabe a Jihar. Kamar yadda hukumar INEC ta gabatar a baya da cewa zasu kadamar da zabe ta karo biyu a jihohin kasar Najeriy a wajajen da aka samu matsalar rashin amincewa da sakamakon zabe da wasu matsaloli kuma, a ranar 23 ga watan Maris ta gaba.

Kotun ta gabatar da umarnin ne daga bakin Alkali Abdulaziz Waziri.

5. Hukumar INEC ta mika takardan mulki ga ‘yan Gidan Majalisa da suka lashe zaben 2019

A ranar Alhamis, 14 ga watan Maris da ya gabata, Hukumar kadamar da zaben kasa (INEC) ta mika takardan shugabanci ga ‘yan gidan majalisa da suka lashe kujerar Sanata a zaben ranar 23 ga watan Fabrairu da aka yi a Jihohin kasar Najeriya.

Rahoto ya bayar da cewa wadanda sunan su ya kasance a kan yanar gizon hukumar ne kawai aka ba wa takardan shugabancin.

6. Gidan Majalisa ta gabatar da ranar da zasu bada rahoto akan albashin ma’aikatan kasa

Gidan Majalisar Dattijai sun gabatar a zaman tattaunawa da majalisar suka yi ranar Laraba da ta gabata da cewa zasu mikar da rahoton su akan sabon tsarin albashin ma’aikatan kasa a ranar Talata ta mako na gaba.

Majalisar ta gabatar ne da hakan a jagorancin shugaban gidan majalisar, Sanata Bukola Saraki.

7. Kotu ba ta isa ta hana mu kadamar da zabe ba a Jihar Adamawa – inji hukumar INEC

INEC, Hukumar kadamar da zaben kasar Najeriya, a ranar Alhamis da ta wuce sun furta da cewa umarnin kotun koli ta Jihar Adamawa bai isa ya hana su kadamar da zaben ranar 23 ga watan Maris ba a Jihar da sauran Jihohin kasar da aka samu matsalar zabe a baya.

Naija News Hausa ta tuna a baya da cewa hukumar INEC ta dakatar da zabe a wasu Jihohin kasar sakamakon wasu matsaloli da aka samu, kamar yadda hukumar ta gabatar.

8. Ba gaskiya ba ne, ban yi hadarin mota ba – Nasir El-Rufai

A ranar Alhamis da ta gabata, Gwamnan Jihar Kaduna, Nasir El-Rufai ya mayar da martani game da jita-jitan da ya mamaye yanar gizo da cewa yayi hadarin mota.

“Ba gaskiya bane. Ba abin da ya faru dani ko direba na. jita-jitan shiri ce na ‘yan adawa na ganin cewa an tayar da hankalin al’ummar Jihar Kaduna” inji El-Rufai a cikin wata sanarwa da aka bayar ga Naija News.

9. An tsige sunan Okorocha daga sunayan Sanatocin Kasa

Hukumar Gudanar da zaben kasa, INEC a ranar Alhamis da ta wuce ta yi hidimar mika takardan koma ga mulki ga sanatocin kasar Najeriya a birnin Abuja, babban birnin Tarayyar kasa.

Naija News Hausa ta gane da cewa hukumar INEC ta tsige sunan Gwamna Rochas Okorocha daga tsarin sunayan sanatoci da aka ba wa takardan koma ga kujerar Sanata a kasar.

Ka samu cikakken labaraun kasar Najeriya a shafin Naija News Hausa

Manyan labarai daga jaridun Najeriya

Manyan Labarai daga Jaridun Najeriya ta ranar Talata, 31 ga Watan Disamba, Shekara ta 2019

Published

on

Wadannan ne Manyan Labarai ta Jaridun Najeriya a yau Talata, 31 ga Watan Disamba, 2019

1. Shugaba Buhari ya Tsauta Wa Ministoci Da Mataimakansu da Tafiye-tafiye

Shugaba Muhammadu Buhari ya gabatar da wasu sabbin umarni da ke takaita adadin lokuta da Ministoci zasu iya tafiya a cikin shekara guda.

Ministan yada labarai, al’adu da yawon shakatawa, Lai Mohammed ne ya sanar da hakan a ranar Litinin.

2. Buhari Da Bakare Sunyi Wani Ganawar Siiri A Aso Rock

Fasto Tunde Bakare, babban Fasto na Majami’ar Latter Rain a ranar Litinin, ya yi wata ganawar siiri da Shugaba Muhammadu Buhari a fadar shugaban kasa a Aso Rock Villa, Abuja.

Ganawar siiri da Bakare yayi tare da Shugaban kasar ta fara ne da misalin karfe 3 na rana, kuma ya dauki kusan mintuna 30 kamin karsheta a fahimtar Naija News.

3. Buratai Ya Kaurace Wa Taron Da Buhari Yayi Da Shugabannin Ma’aikata

Shugaban kasa Muhammadu Buhari a ranar Litinin din da ta gabata ya yi wata ganawar siiri da shuwagabannin ma’aikata a gidan gwamnati da ke Abuja, an yi imanin cewa taron itace na karshe ga shekara ta 2019.

An yi imanin cewa taron ya kasance ne kan zancen tsaron kasa daga hannun shugabannin tsaro.

4. Buba Galadima Ya Bayyana Wanda Shugaba Buhari yake Tsoro Fiye Da Allah

Buba Galadima, wanda shine tsohon kakakin kungiyar yakin neman zaben shugaban kasa na jam’iyyar PDP, ya bayyana cewa shugaban kasa Muhammadu Buhari yana tsoron ‘yan farar fata, musamman gwamnatin Amurka fiye da Allah.

Naija News ta ruwaito cewa Galadima yayi wannan furucin ne yayin martani kan ikirarin da Lauyan Janar din kuma Ministan Shari’a, Abubakar Malami, ya bayar cewa an saki Sambo Dasuki, tsohon mai ba da shawara kan harkar tsaro, da Omoyele Sowore, dan jaridar Sahara Reporters, bisa dalilan jin kai.

5. 2023: Buba Galadima ya aika da Gargadi mai karfi ga Tinubu game da Buhari

Alhaji Buba Galadima, jigo a jam’iyyar Peoples Democratic Party (PDP) da kuma tsohon abokin hamayya na Shugaba Muhammadu Buhari, ya koka da cewa shugaban kasar ba ya taba taimaka wa kowa.

A cikin bayanin Galadima, ya kara da cewa ba a san Buhari da taba taimakawa wadanda suka taimaka masa a harkan siyasa ba.

6. Gwamnatin Legas Tayi Ikirarin Kame Duk Asibitocin Da Suka gaza bada Kulawa ga wadanda suka jikkata da harbin bindiga

Gwamnatin jihar Legas ta yi kira ga dukkanin asibitoci da wadanda ke a fannin kiwon lafiya, hadi da wadanda ke cibiyoyin kiwon lafiya na gwamnati da na masu zaman kansu da ke aiki a jihar da su daina yin watsi da wadanda ‘yan bindiga suka rutsa da su.

Gwamnatin jihar ta kuma nemi asibitocin da su janye daga halin guji da rashin bada kulawa ga masu mugun rauni a kan uzurin neman rahoton ‘yan sanda ko kuma bukatar samar da shaidar kudade kafin fara jinyarsu.

7. 2020: ‘Yan Najeriyar Za Su Fuskanci Mawuyacin Yanayi A Karkashin Mulkin Buhari – Shehu

Shehu Sani, tsohon Sanata wanda ya wakilci Kaduna ta Tsakiya a jagorancin Sanatoci na 8 na Najeriya, ya ce ‘yan Najeriya za su kara fuskantar wahala a karkashin Shugaba Muhammadu Buhari a shekarar 2020.

Naija News ta samu labarin cewa tsohon dan majalisar ya yi wannan tsokaci ne yayin wani shirin rediyo a gidan Rediyon Invicta FM a Kaduna ranar Lahadin da ta gabata.

8. PDP Ta Kalubalanci APC Akan Yawan Karuwar Rashin Aiki A Najeriya

Jam’iyyar Peoples Democratic Party (PDP) ta sake yin tir da jam’iyyar All Progressives Congress (APC) kan karuwar rashin aikin yi a kasar.

A wata sanarwa dauke da sa hannun jami’in hulda da jama’a na jam’iyyar PDP, Mista Kola Ologbondiyan, ya fada da cewa jam’iyyar APC cewa ta lallatar da harkokin kasar ta hanyar tafiyar da harkokin a siyasance da musanman kan yanayin rashin aiki a kasar, da kuma cewa su shirya don fuskantar kalubalan ayukansu a shekara ta 2023.

Ku sami kari da Cikakken Labaran Najeriya ta yau a shafin Naija News Hausa

Continue Reading

Manyan labarai daga jaridun Najeriya

Manyan Labarai daga Jaridun Najeriya ta ranar Litini, 30 ga Watan Disamba, Shekara ta 2019

Published

on

Wadannan ne Manyan Labarai ta Jaridun Najeriya a yau Litini, 30 ga Watan Disamba, 2019

1. Abinda Zai Faru Da Najeriya A Shekarar 2020

Aare Gani Adams, Sarkin Onakakanfo na Yarbawa ya bayyana abin da zai faru da kasar Najeriya a 2020.

A cikin bayanin Sarki Adamu, za a sami takunkumi da kalubalai daga bangarorin kasashe daban-daban na duniya a kan Najeriya a shekarar 2020.

2. Nnamdi Kanu Ya Bayyana Dalilin da ya sa ‘Allah Ke Fushi da Najeriya

Shugaban kungiyar ‘Yan asalin yankin Biafra (IPOB) kuma Daraktan Rediyon Biafra, Nnamdi Kanu, ya ce Allah ya na fushi da Najeriya.

Kamfanin dillancin labarai na Naija News ta bayar da rahoton cewa Kanu ya yi wannan ikirarin ne yayin hirar sa da aka gabatar kwanan nan a Radio Biafra inda ya ba da sanarwar cewa “Biafra ita ce masarautar da kawai muke nema a kasar.”

3. Biafra: Nnamdi Kanu Ya Yi Zargi Kan Shugaba Buhari

Shugaban kungiyar ‘Yan asalin yankin Biafra (IPOB) kuma Daraktan Rediyon Biafra, Nnamdi Kanu, ya zargi ma’aikatan kamfanin Facebook a Najeriya da hada baki da gwamnatin Shugaba Muhammadu Buhari don cire mabiyansa da rage sakonnansu a shafin sa na dandalin sada zumunta na yanar gizo, watau Facebook.

Naija News ta rahoto cewa shugaban IPOB din da ya yi wannan ikirarin a wata sanarwa kwanan nan da ya sanya hannu, ya ce abin ya yi muni kwarai da gaske cewa babbar shafin sadarwa ta yanar gizon tana karkatar da wasu daga mabiyanta zuwa wata asusun karya da aka bude da sunansa, don kawai a lalata kokarinsa ga samun ‘yanci ga Biafra.

4. Ba a Dakatar Da Obaseki Ba, Oshiomhole Kuma yaci gaba da Jagoran mu – APC

Shugaban jam’iyyar All Progressives Congress (APC) na Jihar Edo, Anselm Ojezua, ya ce shugaban jam’iyyar na kasa, Adams Oshiomhole, ba shine shugaban jam’iyyar a jihar ba.

Ojezua ya sanar da hakan ne yayin da yake zantawa da manema labarai a ranar Asabar bayan wata ganawa da ya yi da shugabannin jam’iyyar a Edo ta Arewa a karamar hukumar Jattu-Uzaire, karamar hukumar Etsako ta yamma na jihar.

5. ISWAP: Musulmai Suna Allah Wadai Da Kashe Kashen Kiristoci – Shehu Sani

Tsohon Sanata a Jihar Kaduna, Sanata Shehu Sani ya yi Allah wadai da kisan Kiristocin da membobin kungiyar Islamic State a Afirka ta Yamma (ISWAP) suka yi a kwannanan.

Ka tuna, Naija News ta ruwaito a baya da rahoton cewa membobin kungiyar ISWAP a ranar Kirsimeti sun kashe mutane goma sha daya, wadanda yawancinsu duk Kiristoci ne.

6. APC Da PDP Ba zasu Zantar da Ayyukan Majalisar Dattawa ba – Lawan

Shugaban Majalisar Dattawa, Ahmad Lawan ya ce Jam’iyyun All Progressives Congress (APC) da jam’iyyar Peoples Democratic Party (PDP) ba za su tantance ayyukan majalisar dattawa ba.

Shugaban Majalisar Dattawa ya sanar da hakan ne a ranar Asabar a jihar Yobe, yayin wani liyafar da aka gudanar don girmama masa.

7. ‘Yan Shi’a:‘ Yancin El-Zakzaky Ba A Hannun El-Rufai Yake ba – IMN Sun fada wa Gwamnatin Shugaba Buhari

Kungiyar Islamic Movement of Nigeria (IMN), wacce kuma aka fi sani da suna Shi’a, ta yi Allah wadai da bayanin gwamnatin Shugaba Muhammadu Buhari na cewa ‘yancin shugabanta, Ibrahim El-Zakzaky ya dangana ne a hannun gwamna Nasir El-Rufai na Kaduna.

Naija News ta tuno cewa yan Shi’a sun yi kiran a saki El-Zakzaky ne bayan sakin Sambo Dasuki da Omoyele Sowore.

8. Yadda DSS Suka Aiko Da ‘Yan Ta’adda Don Bubbuge Ni – Deji Adeyanju

Dan gwagwarmayar siyasa Deji Adeyanju ya zargi Ma’aikatar Tsaro ta Kasa (DSS) da aikar da wasu ‘yan ta’adda da suka yi masa mugun bugu a yayin zanga-zanga.

Naija News ta tuno da cewa wasu ‘yan ta’adda sun hari Adeyanju tare da sauran masu zanga-zangar neman a saki Omoyele Sowore a Abuja.

Ku samu kari da Cikakken Labaran Najeriya a shafin Naija News Hausa

Continue Reading

Manyan labarai daga jaridun Najeriya

Manyan Labarai daga Jaridun Najeriya ta ranar Asabar, 28 ga Watan Disamba, Shekara ta 2019

Published

on

Wadannan ne Manyan Labarai ta Jaridun Najeriya a yau Asabar, 28 ga Watan Disamba, 2019

1. Boko Haram: Shugaba Buhari Ya Roki ‘Yan Najeriya

An yi kira ga ‘yan Najeriya da kada su yarda ‘yan ta’adda su raba kasar biyu ta hanyar addini.

Shugaban kasa Muhammadu Buhari ne ya yi wannan kiran a cikin wata sanarwa da kakakinsa, Garba Shehu ya sanya wa hannu da kuma aka bayar ga manema labarai a yau.

2. Jirgin Sama Dauke Da Tarin Mutane 100 Ta Rushe

Wani jirgin sama dauke da mutane 100 a cikinta ta fadi a Kazakhstan, inda tayi sanadiyar mutuwar a kalla mutane goma sha hudu, bisa fahimtar Naija News.

A cewar jami’ai, jirgin na Bek Air ya fadi ne jim kadan bayan tashinsa daga tashar jirgin saman ta Almaty da safiyar ranar Juma’a.

3. Tsohon Mashawarcin Tsaron Kasa, Dasuki Ya Bayyana Shirinsa Na gaba Bayan Sakinsa Daga Shekaru 4 Kame

Wani tsohon mai ba da shawara a kan tsaro na kasa (NSA), Kanal Sambo Dasuki, wanda ya samu ‘yanci kwanan nan bayan tsare shi da aka yi na tsawon shekaru hudu a kurkuku, ya bayyana cewa ba zai ba da wata hira ga manema labarai ba.

Dasuki, wanda shi ne Yarima na Khalifancin Sakkwato, ya yi wannan wahayin ne a cikin wata ganawa da manema labaran DAILY POST ta hanyar wani abokinsa, a Daren ranar Alhamis, 26 ga Disamba.

4. Jonathan Ya Shawarci Shugaba Buhari Kan Matakin Da Zai Dauka Ga Maharansa

Tsohon Shugaban Kasa, Goodluck Jonathan ya yi kira ga Gwamnatin Tarayya karkashin jagorancin Muhammadu Buhari da ta kama tare da tsananta wa ‘yan bindigar da suka kai hari gidansa a Otuoke, Jihar Bayelsa.

Kamfanin dillancin labarai na Naija News ta ba da rahoton cewa, tsohon shugaban bai sami rauni ba a harin wanda mutane da yawa ke zargin cewa ana son ne kashe shi.

5. Shugaba Buhari ya bayyana Ra’ayinsa a kan Shugaban Majalisar Dattawa, Lawan

Shugaban kasa Muhammadu Buhari ya yabawa Shugaban Majalisar Dattawa, Ahmad Lawan.

Shugaban kasar ya bayyana hakan ne a yayin da yake ba da shawara ga dan Lawan, Ibrahim, a wajen bikin auren sa.

6. Ohanaeze Sun yi Magana kan Tsige Shugaban kasa Buhari

Kungiyar gamayyar al’adu na Igbo, Ohanaeze Ndigbo ta ce furcin da kakakin shugaban kasa Muhammadu Buhari, Garba Shehu ya yi na cewa akwai wasu rukuni a fadar shugaban kasa dake tafiyar da lamarin kasar ya isa ma kawai a tsige shugaban.

A cewar Shehu, Rukunin mutane ne masu nasarori da yawa ne da kuma girmamawa a kasar.

7. Wani Mutum Ya Bugi Matarsa Har Ga Mutuwa Ranar Kirsimeti

Rundunar ‘yan sanda reshen jihar Ogun ta kama wani mutum da aka sani da suna Mutiu Sonola, da laifin buge matarsa Zainab, har ga mutuwa a ranar Kirsimeti.

Kakakin rundunar, Abimbola Oyeyemi ne ya bayyana hakan.

Ka samu kari da Cikakken Labaran Najeriya ta yau da kullum a shafin Naija News Hausa

Continue Reading

Trending