Connect with us

Labarai Hausa

An gano wata ‘yar shekara 13 da Bama-Bamai a Jihar Maiduguri

Published

on

An kame wata yarinya mai shekaru goma sha ukku (13) da aka gane da bama-bamai a Jihar Borno.

Rahoto ya bayar da cewa an kame yarinyar ne a kusa da rukunin Sojoji ta Giwa Barracks da ke a Maiduguri.

Bisa bincike, Naija News ta iya gane da cewa an kame yarinyar ne mai suna Zara, da mugayan Bama-Bamai ta (IED) sanye a jikinta. An kuma bayyana da cewa an samu kame yarinyar ne a yayin da ta fadi da gyangyadi nan kusa d mashigar rukunin sojojin yankin.

Da aka binciki Zara da bayanai, ta ce “An aiko da kimanin mutane goma sha hudu (14) sanye da bama-bamai zuwa yankin Bank da karamar hukumar Bama don kadamar da kunar bakin wake a Jihar Born”

“A halin yanzun an tafi da su cikin mota don ajiye kowani a inda ake bukatar tashin bam din, a cikin garin Maiduguri” inji Zara.

A halin yanzu an watsar da jami’an tsaro ko ta ina don bincike da kokarin dakatar da wannan mugun harin.

An kuma umurci al’ummar yankin duka da kasancewa a boye a gidajen su har sai an sami cin nasara da harin.

Mun ruwaito a Naija News Hausa a baya da cewa Bam ya fashe a wata masallaci a Jihar Borno