Connect with us

Labarai Hausa

Rundunar Sojoji sun ci nasara da kashe ‘yan Boko Haram 27

Published

on

Rundunar Sojojin Najeriya da ta Kamaru sun yi nasara da kashe ‘yan ta’addan Boko Haram 27 a wata ganawar wuta.

Naija News ta samu tabbacin hakan ne a wata ganawa da Col. Sagir Musa, Kakakin yada labaran Hukumar yayi da manema labarai a yau Litini.

Bisa bayanin Mista Sagir, Rundunar Sojojin sunyi ganawar wuta ne da ‘yan ta’addan a Arewacin Wulgo, Tumbuma, Chikun Gudu, da Kauyan Bukar Maryam.

Ya bayyana da cewa Rundunar Sojojin Najeriya da ta Kamarun da basu samu wata rauni ko rasa wani ba a ganawar wutar.

“Sojojin a bayan da suka yi nasara da ‘yan ta’addan sun kuma samu ribato Mugayan Makamai da bindigogi kamar su, AK 47, Bindigar G3, da wata na’urar bama-bamai” inji Musa.

Ya kara da cewa Rundunar Sojojin na kara karfafa da kuzari don ganin cewa sun ci gaba da yin nasara da ‘yan ta’addan da ke a shiyar.

Mun ruwaito a Naija News Hausa a baya da cewa Tsohon Leah Sharibu, daya daga cikin yaran makarantar Dapchi da ‘yan ta’addan Boko Haram suka sace a baya, ya kamu da ciwon bugun jini.

Hakan ya bayyana ne a yayin da wakilan yankin Chibok da Dapchi suka gabatar a ziyarar su ga Annabi Temitope Joshua da aka fi sani da suna TB Joshua, shugaban wata babban Ikklisiya ta Jihar Legas da aka fi sani da Synagogue Church of All Nations.

Naija News Hausa tunani da duban cewa watakila Mista Nathaniel Sharibu, baban Leah ya kamu ne da rashin lafiyar watakila don yawar tunanin diyarshi.

Karanta wannan kuma: Ba zaka iya zama Shugaban Kasa ba ta bin Kofar baya – APC ta gayawa Atiku

Labarai Hausa

DSS Sun Kame Wanda Ya Shirya Bidiyon Shairi Kan Auren Shugaba Buhari Da Zainab, da Sadiya Farouq

Published

on

Ofishin Hukumar Tsaron Kasa (DSS) at sanar da kama Kabiru Mohammed, mutumin da ake zargi da kulla shellan karya kan auren Shugaba Buhari.

Naija News ta tuna cewa an bayyana wani rahoto a kusan  Oktoba ta shekarar 2019 cewa Shugaba Buhari ya shirya aure da Ministan Kulla da Al’umma, Sadiya Umar Farouq.

Day Dr. Peter Afunaya, kakakin yada yawun hukumar ke bada bayani kan lamarin, ya ce, an fara gudanar da bincike ne, biyo bayan korafin da Ministan Kudi ya yi wa Ma’aikatar.

Naija News ta fahimci cewa an kama Mutumin, mai shekaru 32 ga haifuwa ne saboda kirkirar wata bidiyo da kuma yada bidiyon karyar wanda ke nuna Shugaba Muhammadu Buhari na bikin auren Ministan Kasa, Zainab Ahmed da Ministan Harkokin Al’adu da Ci gaban Jama’a, Sadiya Farouq.

Ya bayyana da cewa sunyi kamun ne bayan da daga cikin Ministocin tayi gabatar da karar a ofishin su da neman su kame duk wanda suka gane da shirya da kuma watsar da bidiyon.

“Hukumar mu kuwa ta gane da kuma kame wanda ya shirya da kuma watsar da bidiyon. Sunansa Kabiru Mohammed. Dan Kano ne da kuma shekara ga 32 haifuwa. Ya kuma karanci yaran Fulfude da Hauda a makarantar jami’a ta Federal College of Education, Kano, da kuma karatun sashin Sadarwa daga Aminu Kano Islamic School.“

“Ya riga ya amince da aikata hakan kuma mun ci gaba da bincike kan dalilin hakan.” Inji shi.

Mutumin kuwa a ganewar Naija News Hausa ya nemi afuwa kan laifin sa da kuma bayyana cewa lallai aikin Sheidan ne. Ya kuma kara da cewa shi dan Jam’iyyar

Kwakwasiya ne a jihar Kano.

Continue Reading

Labarai Hausa

Gwamna Ganduje Ya Nada Mata Mataimaka na Musamman Guda 5 A Kano

Published

on

Gwamnan Jihar Kano, Abdullahi Ganduje ya gabatar da nadin wasu mata Biyar a Kano

Wata tsohuwar Kwamishina mai kula da harkokin mata, Hajiya Hajiya Yardada Maikano Bichi, tana daga cikin mata biyar na Musamman Mataimaka, wadanda gwamnan jihar Kano, Dokta Abdullahi Umar Ganduje ya nada.

Gwamna Ganduje bayan nadin dukkansu da kuma bayar da umarnin su fara aiki nan take, ya umarci dukkan wadanda aka nada da su tabbatar da kwarewarsu yayin aiwatar da ayukansu a kowane ofishi.

A cewarsa, “tunda aka zabe ku a cikin jerin mutane da yawa, ya nuna a fili da cewa muna tabbatar wa jihar da cewa kuna da abin da zai kawo ci gaban jihar.”

“Ya kamata ku tabbatar da cewa kun bi dukkanin manufofin gwamnati da shirye-shiryen da suka danganci ofisoshinku, har ma da hakan, kuna kulawa da su da dukkan hankali.”

Wadanda aka nada sun hada da, Hajiya Fatima Abdullahi Dala, a matsayin mai ba da shawara ta musamman a shafin Kulawa ga Yara da kuma Ayukan Mata; Dokta Fauziyya Buba a matsayin mai ba da shawara ta musamman a Ma’aikatar Kiwon Lafiya; Hajiya Aishatu Jaafaru, mai ba da shawara ta musamman kan Shirin ciyar da ‘yan makaranta;  Hajiya Hama Ali Aware kuma a matsayin Mai Bada shawara na musamman akan Zuba Jarin Kasashen waje, da kuma Hajiya Yardada Maikano Bichi, a matsayin Mashawarci na Musamman kan Kungiyoyi masu zaman kansu.

Continue Reading

Labarai Hausa

‘Yan Hisbah Sun Kame Wani Dan Sanda Da Wasu Mata Uku a Gusau

Published

on

Hukumar Hisba ta jihar Zamfara ta bayyana kame wani jami’in ‘yan sanda da wasu mata uku da ake zarginsu da aikata muggan laifuka a wani otal da ke Gusau.

Shugaban hukumar, Dakta Atiku Zawuyya ne ya bayyana hakan yayin da yake gabatar da wadanda ake zargin a hedikwatar hukumar ranar Litinin din nan da ta wuce.

Dakta Zawuyya ya bayyana da cewa an kama jami’in ‘yan sanda da ke aiki tare da ofishin‘ yan sanda ta Central Police Station da ke a Gusau tare da ’yan matan uku a wani ‘Otal, da zargin su da aikata laifin da suka saba wa ka’idar Sharia.

Zawuyya ya ce binciken farko da hukumar ta gudanar ya nuna cewa daya daga cikin ‘yan matan uku da aka kama ta fito ne daga jihar Kaduna yayin da sauran biyun kuma ‘yan gida guda ne a Zamfara.

Shugaban ya ce hukumar sau da yawa ta gargadi masu kula da otal din kan amince da shigar da irin wadannan mutane a Otal din amma sun kasa bin ka’idoji da ke jagorantar gudanar da kasuwancin otal a jihar.

Kamfanin Dillancin Labaran Najeriya (NAN) sun bayar da rahoton cewa, jami’an hukumar Hisba sun kame harda Manaja da ke kula da Otal din.

Zawuyya ya karshe da cewa za a gurfanar da wadanda ake zargin zuwa kotu bayan cikakken bincike. (NAN).

Continue Reading

Trending