Connect with us

Labarai Hausa

Karanta bayanin shugaban Miyyeti Allah ta Jihar Bauchi game da kashe kashen da ake yi

Published

on

Kungiyar Miyyeti Allah Cattle Breeders Association (MACBAN) ta Jihar Bauchi sun yi kirar kula ga Jami’an tsaron kasar Najeriya.

Naija News Hausa ta gane da cewa kungiyar tayi kira ne da bukatar hukumomin tsaro da Gwamnatin kasar Najeriya da magance matsalar hare-hare da kashe-kashen wata rukunin ta’addanci da ake cewa ‘Yan Ba Beli.

Wannan gidan yada labaran tamu ta samu rahoton ne bisa bayanin da sakataren kungiyar MACBAN, Alhaji Sadiq Ahmed ya bayar a wajen zana’izar mutane biyu da aka kashe a Jihar Bauchi ranar Lahadi, 29 ga watan Afrilu da ta gabata.

A bayanin Mista Ahmed, ya bayyana da cewa a halin yanzu ‘yan ta’addan sun riga da kashe mutane goma daga cikin ‘yan kungiyar su. Ya kuma bayyana cewa idan har ba a dauki mataki ta musanman ba game da wannan, “lallai zasu ci gaba da kashe-kashe, kuma wannan zai zama abin takaici a Jihar a yayin da za a karu da mutuwar mutane a Jihar.” inji shi.

Ya ci gaba da cewa “Idan har sun ci gaba da hari da kashin mutane da ke kauyuka ba tare da an dakatar da su ba, lallai ba da jimawa ba, zasu fada ga birane da hari” inji Ahmed.

A fadin Alhaji Ahmed, ya bayar da cewa kashe-kashen na karuwa a koyaushe a Jihar Bauchi. Inji shi “Jin kadan da ta gabata an kashe mutane biyu kuma a yankin Toro, wasu biyu kuma a Ganjuwa‎ bayan an sace wani kuma a shiyar kasuwan Durum, aka kuma kashe shi da baya, sa ‘anan kuma aka kara kashe wasu mutane biyu a karamar hukumar Ningi.

Ahmed ya gabatar da rokon sa ga Gwamnatin Najeriya, ya kuma bada tabbacin cewa kungiyar tasu zata hada kai da Gwamnati da hukumomin tsaro don yaki da ta’addanci a Jihar Bauchi don tabbatar da zaman lafiyar al’ummar Jihar gaba daya.

“Ba mu cikin wannan kira da aka yi ga mutanen yankin da daukan matakin da hannun su na yaki da ta’addanci, wannan ba zai jawo abin kwarai ba”

”An riga an kashe mana ‘yan kungiya da dama, amma ba zamu iya barsu da neman ramuwa ba.”

Mun sanar a baya a Naija News Hausa da cewa Daktoci daga kasar Turai sun shigo Najeriya don binciken lafiyar jikin Sheik El-Zakzaky, shugaban Kungiyar ‘Yan Shi’a.

Bisa rahoto, Naija News ta gane da cewa an shigo ne da Daktocin don diban lafiyar jikin Sheikh ne da Matar sa. Wannan kuma zai dauki tsawon kwanaki kadan, bisa yadda aka bayar a rahoton.

Labarai Hausa

DSS Sun Kame Wanda Ya Shirya Bidiyon Shairi Kan Auren Shugaba Buhari Da Zainab, da Sadiya Farouq

Published

on

Ofishin Hukumar Tsaron Kasa (DSS) at sanar da kama Kabiru Mohammed, mutumin da ake zargi da kulla shellan karya kan auren Shugaba Buhari.

Naija News ta tuna cewa an bayyana wani rahoto a kusan  Oktoba ta shekarar 2019 cewa Shugaba Buhari ya shirya aure da Ministan Kulla da Al’umma, Sadiya Umar Farouq.

Day Dr. Peter Afunaya, kakakin yada yawun hukumar ke bada bayani kan lamarin, ya ce, an fara gudanar da bincike ne, biyo bayan korafin da Ministan Kudi ya yi wa Ma’aikatar.

Naija News ta fahimci cewa an kama Mutumin, mai shekaru 32 ga haifuwa ne saboda kirkirar wata bidiyo da kuma yada bidiyon karyar wanda ke nuna Shugaba Muhammadu Buhari na bikin auren Ministan Kasa, Zainab Ahmed da Ministan Harkokin Al’adu da Ci gaban Jama’a, Sadiya Farouq.

Ya bayyana da cewa sunyi kamun ne bayan da daga cikin Ministocin tayi gabatar da karar a ofishin su da neman su kame duk wanda suka gane da shirya da kuma watsar da bidiyon.

“Hukumar mu kuwa ta gane da kuma kame wanda ya shirya da kuma watsar da bidiyon. Sunansa Kabiru Mohammed. Dan Kano ne da kuma shekara ga 32 haifuwa. Ya kuma karanci yaran Fulfude da Hauda a makarantar jami’a ta Federal College of Education, Kano, da kuma karatun sashin Sadarwa daga Aminu Kano Islamic School.“

“Ya riga ya amince da aikata hakan kuma mun ci gaba da bincike kan dalilin hakan.” Inji shi.

Mutumin kuwa a ganewar Naija News Hausa ya nemi afuwa kan laifin sa da kuma bayyana cewa lallai aikin Sheidan ne. Ya kuma kara da cewa shi dan Jam’iyyar

Kwakwasiya ne a jihar Kano.

Continue Reading

Labarai Hausa

Gwamna Ganduje Ya Nada Mata Mataimaka na Musamman Guda 5 A Kano

Published

on

Gwamnan Jihar Kano, Abdullahi Ganduje ya gabatar da nadin wasu mata Biyar a Kano

Wata tsohuwar Kwamishina mai kula da harkokin mata, Hajiya Hajiya Yardada Maikano Bichi, tana daga cikin mata biyar na Musamman Mataimaka, wadanda gwamnan jihar Kano, Dokta Abdullahi Umar Ganduje ya nada.

Gwamna Ganduje bayan nadin dukkansu da kuma bayar da umarnin su fara aiki nan take, ya umarci dukkan wadanda aka nada da su tabbatar da kwarewarsu yayin aiwatar da ayukansu a kowane ofishi.

A cewarsa, “tunda aka zabe ku a cikin jerin mutane da yawa, ya nuna a fili da cewa muna tabbatar wa jihar da cewa kuna da abin da zai kawo ci gaban jihar.”

“Ya kamata ku tabbatar da cewa kun bi dukkanin manufofin gwamnati da shirye-shiryen da suka danganci ofisoshinku, har ma da hakan, kuna kulawa da su da dukkan hankali.”

Wadanda aka nada sun hada da, Hajiya Fatima Abdullahi Dala, a matsayin mai ba da shawara ta musamman a shafin Kulawa ga Yara da kuma Ayukan Mata; Dokta Fauziyya Buba a matsayin mai ba da shawara ta musamman a Ma’aikatar Kiwon Lafiya; Hajiya Aishatu Jaafaru, mai ba da shawara ta musamman kan Shirin ciyar da ‘yan makaranta;  Hajiya Hama Ali Aware kuma a matsayin Mai Bada shawara na musamman akan Zuba Jarin Kasashen waje, da kuma Hajiya Yardada Maikano Bichi, a matsayin Mashawarci na Musamman kan Kungiyoyi masu zaman kansu.

Continue Reading

Labarai Hausa

‘Yan Hisbah Sun Kame Wani Dan Sanda Da Wasu Mata Uku a Gusau

Published

on

Hukumar Hisba ta jihar Zamfara ta bayyana kame wani jami’in ‘yan sanda da wasu mata uku da ake zarginsu da aikata muggan laifuka a wani otal da ke Gusau.

Shugaban hukumar, Dakta Atiku Zawuyya ne ya bayyana hakan yayin da yake gabatar da wadanda ake zargin a hedikwatar hukumar ranar Litinin din nan da ta wuce.

Dakta Zawuyya ya bayyana da cewa an kama jami’in ‘yan sanda da ke aiki tare da ofishin‘ yan sanda ta Central Police Station da ke a Gusau tare da ’yan matan uku a wani ‘Otal, da zargin su da aikata laifin da suka saba wa ka’idar Sharia.

Zawuyya ya ce binciken farko da hukumar ta gudanar ya nuna cewa daya daga cikin ‘yan matan uku da aka kama ta fito ne daga jihar Kaduna yayin da sauran biyun kuma ‘yan gida guda ne a Zamfara.

Shugaban ya ce hukumar sau da yawa ta gargadi masu kula da otal din kan amince da shigar da irin wadannan mutane a Otal din amma sun kasa bin ka’idoji da ke jagorantar gudanar da kasuwancin otal a jihar.

Kamfanin Dillancin Labaran Najeriya (NAN) sun bayar da rahoton cewa, jami’an hukumar Hisba sun kame harda Manaja da ke kula da Otal din.

Zawuyya ya karshe da cewa za a gurfanar da wadanda ake zargin zuwa kotu bayan cikakken bincike. (NAN).

Continue Reading

Trending