Connect with us

Labarai Hausa

Tarihi, Al’adu Da Asalin Hausawa a Afrika

Published

on

Asalin Hausawa a Afrika

Shin daman baka san Tarihi da Asalin Mallam Bahaushe ba? Karanta a kasa!

Kamar yadda kowane yare ke da Asalin ta, haka kazalika Hausawa ke da tasu asali. Duk da cewa kusan babu inda zaka shiga a kasar Najeriya, hadi da wasu kasashen Afrika, kai, harma a Turai zaku iske mallam bahaushe, duk da hakan suna da Asali mai tasirin gaske.

Kabilar Hausa wata kabilace da ke zaune da kuma yawaita a arewa maso yammacin taraiyyar kasar Najerya da kuma kudu maso yammacin jamhuriyyar Nijar. Kabilar Hausa na da dimbin al’umma kwarai da gaske, amma kuma a al’adance mai matukar hadaka.

Bincike ta nuna da cewa; akalla akwai sama da mutane miliyan hamsin da harshen Hausa yake asali a gare su, duk da cewa a tarihance kabilar Hausawa na tattare a salasalar birane daban daban.

Ko da shike kamin aka rabar da Jihohi a kasar Najeriya, akwai sassa da aka sani tun asali a kasar da harshen Hausa. Sune kamar haka;

Daura, Kano, Katsina, Zaria, watau Zazzau, Gobir, Rano da Biram.

Waddanna sune garuruka da aka sani a tahirance da yaran Hausa a kasar Najeriya tun shekaru lu’u lu’u da suka gabata.

Shekarar da aka fidda Kabilar Hausa

Hausawa dai a tarihance sun sami kafa daularsu ne tun daga shekarar 1300’s da ya gabata. Hakan ya yiwu ne sa’adda suka sami nasarori da dauloli kamar su Daular Mali Songhai, Borno da kuma Fulani. A wanna lokutan, Hausawa sun cika da gagarimin ikon, mulki da hadaka ta kau da baki’yan neman ruwa da tsaki, da kuma neman angizon a cikinta da kuma harkallar bayi.

A farkon shekarar 1900’s, a sa’adda kabilar Hausa ke yunkurin kawar da mulkin angizo na fulani, sai turawan mulkin mallaka ta Birtaniya suka mamaye arewancin Najeriya, da kuma kafa manufofin mulkin bayan gida, a bisa karkashin mulkin Birtaniya, a hakan ‘yan mulkin mallaka sai suka marawa fulani baya na cigaba da manufofin angizon siyasarsu. Har yanzu dai mulkin kamin gambiza tsakanin Hausawa da Fulani shi ne yayi kane-kane a arewacin Najeriya. Hadakar gamin kambiza dai an kafa ta ne tun asali a matsayin fulani su dare madafun ikon a tsararren tsarin siyasar arewa. Akasarin masu mulki na fulani sun kasance yanzu, a al’adance hausawa gwamitse.

Ko da shike, Hausawa na farko maharba ne, amma da zuwan addinin Islama, bayan suka karba kuma da hannu biyu sai labari ya sha bambam.

Ginshikokin al’adun hausawa na da mutukar zaranta, kwarewa da sanaiya fiye da sauran al’ummar dake kewayenta.

Menene Sana’ar Mallam Bahaushe?

Tun a farko, Noma ita ce babbar sana’ar hausawa, harma hausawa kan yi ma sana’ar noma kirari da cewa, “na doke tsohon ciniki kowa yazo duniya kai yatarar.” Ko da yake akwai kuma wasu sana’o’i kamar su sha’anin Jima, watau harkar Fatu, Rini, Tsaka da Kira.

Hausawa dai sun jima da shahara wajen harkar fatauci, kana kuma masu arziki na taka rawa a sha’anin yau da kullum, tare da masu mulki da masana. Bincike da tarihi ya bayyana harshen Hausa da harshe mafi girma da kuma mafi sanai’yar harshe a nahiyar Afirka gaba daya. harshen hausa ya aro wasu kalmomi daga wasu harsuna musamman larabci, kana kuma harshen na tafiya tare da yanayin mu na zamani bisa al’adar cudeni- na cudeka.

Mun ruwaito a Naija News Hausa a baya da Ire-Iren abincin Mallam Bahaushe da kuma yadda ake shirya Kilishi

Labarai Hausa

DSS Sun Kame Wanda Ya Shirya Bidiyon Shairi Kan Auren Shugaba Buhari Da Zainab, da Sadiya Farouq

Published

on

Ofishin Hukumar Tsaron Kasa (DSS) at sanar da kama Kabiru Mohammed, mutumin da ake zargi da kulla shellan karya kan auren Shugaba Buhari.

Naija News ta tuna cewa an bayyana wani rahoto a kusan  Oktoba ta shekarar 2019 cewa Shugaba Buhari ya shirya aure da Ministan Kulla da Al’umma, Sadiya Umar Farouq.

Day Dr. Peter Afunaya, kakakin yada yawun hukumar ke bada bayani kan lamarin, ya ce, an fara gudanar da bincike ne, biyo bayan korafin da Ministan Kudi ya yi wa Ma’aikatar.

Naija News ta fahimci cewa an kama Mutumin, mai shekaru 32 ga haifuwa ne saboda kirkirar wata bidiyo da kuma yada bidiyon karyar wanda ke nuna Shugaba Muhammadu Buhari na bikin auren Ministan Kasa, Zainab Ahmed da Ministan Harkokin Al’adu da Ci gaban Jama’a, Sadiya Farouq.

Ya bayyana da cewa sunyi kamun ne bayan da daga cikin Ministocin tayi gabatar da karar a ofishin su da neman su kame duk wanda suka gane da shirya da kuma watsar da bidiyon.

“Hukumar mu kuwa ta gane da kuma kame wanda ya shirya da kuma watsar da bidiyon. Sunansa Kabiru Mohammed. Dan Kano ne da kuma shekara ga 32 haifuwa. Ya kuma karanci yaran Fulfude da Hauda a makarantar jami’a ta Federal College of Education, Kano, da kuma karatun sashin Sadarwa daga Aminu Kano Islamic School.“

“Ya riga ya amince da aikata hakan kuma mun ci gaba da bincike kan dalilin hakan.” Inji shi.

Mutumin kuwa a ganewar Naija News Hausa ya nemi afuwa kan laifin sa da kuma bayyana cewa lallai aikin Sheidan ne. Ya kuma kara da cewa shi dan Jam’iyyar

Kwakwasiya ne a jihar Kano.

Continue Reading

Labarai Hausa

Gwamna Ganduje Ya Nada Mata Mataimaka na Musamman Guda 5 A Kano

Published

on

Gwamnan Jihar Kano, Abdullahi Ganduje ya gabatar da nadin wasu mata Biyar a Kano

Wata tsohuwar Kwamishina mai kula da harkokin mata, Hajiya Hajiya Yardada Maikano Bichi, tana daga cikin mata biyar na Musamman Mataimaka, wadanda gwamnan jihar Kano, Dokta Abdullahi Umar Ganduje ya nada.

Gwamna Ganduje bayan nadin dukkansu da kuma bayar da umarnin su fara aiki nan take, ya umarci dukkan wadanda aka nada da su tabbatar da kwarewarsu yayin aiwatar da ayukansu a kowane ofishi.

A cewarsa, “tunda aka zabe ku a cikin jerin mutane da yawa, ya nuna a fili da cewa muna tabbatar wa jihar da cewa kuna da abin da zai kawo ci gaban jihar.”

“Ya kamata ku tabbatar da cewa kun bi dukkanin manufofin gwamnati da shirye-shiryen da suka danganci ofisoshinku, har ma da hakan, kuna kulawa da su da dukkan hankali.”

Wadanda aka nada sun hada da, Hajiya Fatima Abdullahi Dala, a matsayin mai ba da shawara ta musamman a shafin Kulawa ga Yara da kuma Ayukan Mata; Dokta Fauziyya Buba a matsayin mai ba da shawara ta musamman a Ma’aikatar Kiwon Lafiya; Hajiya Aishatu Jaafaru, mai ba da shawara ta musamman kan Shirin ciyar da ‘yan makaranta;  Hajiya Hama Ali Aware kuma a matsayin Mai Bada shawara na musamman akan Zuba Jarin Kasashen waje, da kuma Hajiya Yardada Maikano Bichi, a matsayin Mashawarci na Musamman kan Kungiyoyi masu zaman kansu.

Continue Reading

Labarai Hausa

‘Yan Hisbah Sun Kame Wani Dan Sanda Da Wasu Mata Uku a Gusau

Published

on

Hukumar Hisba ta jihar Zamfara ta bayyana kame wani jami’in ‘yan sanda da wasu mata uku da ake zarginsu da aikata muggan laifuka a wani otal da ke Gusau.

Shugaban hukumar, Dakta Atiku Zawuyya ne ya bayyana hakan yayin da yake gabatar da wadanda ake zargin a hedikwatar hukumar ranar Litinin din nan da ta wuce.

Dakta Zawuyya ya bayyana da cewa an kama jami’in ‘yan sanda da ke aiki tare da ofishin‘ yan sanda ta Central Police Station da ke a Gusau tare da ’yan matan uku a wani ‘Otal, da zargin su da aikata laifin da suka saba wa ka’idar Sharia.

Zawuyya ya ce binciken farko da hukumar ta gudanar ya nuna cewa daya daga cikin ‘yan matan uku da aka kama ta fito ne daga jihar Kaduna yayin da sauran biyun kuma ‘yan gida guda ne a Zamfara.

Shugaban ya ce hukumar sau da yawa ta gargadi masu kula da otal din kan amince da shigar da irin wadannan mutane a Otal din amma sun kasa bin ka’idoji da ke jagorantar gudanar da kasuwancin otal a jihar.

Kamfanin Dillancin Labaran Najeriya (NAN) sun bayar da rahoton cewa, jami’an hukumar Hisba sun kame harda Manaja da ke kula da Otal din.

Zawuyya ya karshe da cewa za a gurfanar da wadanda ake zargin zuwa kotu bayan cikakken bincike. (NAN).

Continue Reading

Trending