Connect with us

Labaran Siyasa

Kalli Jerin Suna Da Hotunan Tsofaffin Gwamnonin Najeriya Da Aka Jefa Gidan Yari Kan Cin Hanci Da Rashawa

Published

on

Kimanin tsofaffin gwamnoni shida na Najeriya da kotu tayi masu shari’a kan cin hanci da rashawa da kuma yanke masu hukuncin shiga jaru.

Naija News ta ruwaito cewa Orji Uzor Kalu, wani tsohon gwamnan jihar Abia, kudu maso gabashin Najeriya da kuma shugaban gudanar da zabe a gidan majalisar dattijai, shine na farko akan jerin.

Ga jerin tsoffin gwamnoni shida waɗanda aka gane da cin hanci da rashawa da kuma aka jefa a Kurkuku:

1. Orji Uzor Kalu

Orji Uzor Kalu, tsohon gwamnan jihar Abia, kuma shugaban gudanar da zabe a gidan majalisar dattijai, shi ne na baya akan jerin kungiyar tsoffin gwamnonin da aka daure saboda cin hanci da rashawa. Naija News ta ruwaito da cewa Kotun tarayya da ke a Legas ta yanke wa Sanata Kalu hukuncin daurin shekaru 12 a gidan yari a ranar alhamis din da ta wuce, akan cin hanci da rashawa na kimanin biliyan N7.65bn, hadi da wasu hukunci da ya shafi jaru na shekaru 3 zuwa 5 a kan kararraki 27.

2. Jolly Nyame

An yankewa tsohon gwamnan jihar Taraba, arewacin Najeriya, Jolly Nyame hukuncin ɗaurin shekaru 14 a gidan yari ba tare da zaɓin biyan tara ba. Bayan da aka same shi da aikata laifuka 27 cikin tuhume-tuhume 41 da ake zargin sa kan karkatar da kudaden jama’a.

3. James Bala Ngilari

An yanke wa wani tsohon gwamnan jihar Adamawa, arewacin Najeriya, Bala Ngilari hukuncin shekaru 5 a gidan yari a shekarar 2017 ba tare da wani zaɓin biyan tara ba, akan bayar da kwangila ba tare da bin tsari ba har na kimanin naira miliyan N167m.

4. Joshua Dariye

An yankewa wani tsohon gwamnan jihar Filato, arewacin Najeriya, Joshua Dariye hukuncin ɗaurin shekaru 14 a kurkuku bisa laifin keta amana da laifin cin amana da zaluncin jama’a a shekaru biyu. Dariye dan majalisar dattijai ne a shekarar 2018. An tuhume shi da almubazzaranci na naira biliyan 1 da miliyan 162 na ilimin muhalli, mallakar jiharsa. Daga baya aka rage hukuncinsa na zaman gidan yari zuwa shekaru 10.

5. Lucky Igbinedon

An yanke wa wani tsohon gwamnan jihar Edo, kudu-maso-kudancin Najeriya, Lucky Igbinedion daurin watanni shida a gidan yari a shekara ta 2008 saboda karbar kudi da yawansu ya kai biliyan 25. Tsohon gwamnan, duk da haka, ya samu wata yarjejeniya akan roko da ta sa shi biyan tarar Naira miliyan uku da rabi.

6. James Ibori

Wata kotun Landan ta yanke wa wani tsohon gwamnan jihar Delta, kudu maso gabashin Najeriya hukuncin daurin shekaru 13 a gidan yari saboda laifin zamba ta layin yanar gizo mai kimanin yawar kudi dala miliyan $250. Tsohon gwamnan tun daga lokacin ya kammala zamansa a kurkuku ya kuma dawo kasar Najeriya, inda ya samu babban marabta a cikin jiharsa.

Labaran Siyasa

2023: Kalli Yankin Da Matasan Arewa Suka Ba wa Goyon baya Ga Shugabancin Kasa

Published

on

Wata gamayyar kungiyoyin matasan Arewa ta yi kiran da a sauya shugabancin kasar daga arewa zuwa yankin Kudu maso Kudu kafin zaben shugaban kasa a shekarar 2023.

Hadin gwiwar, a karkashin kungiyar ‘Arewa Youths Assembly’, ta ce ba zai zama da adalci ba ga Arewa ta fito da shugaban Najeriya na gaba tare da lura cewa yankin ta mamaye matsayin fiye da sauran yankuna tun bayan da kasar ta samu ‘yancin kanta a 1960.

Saboda haka, kungiyar sun bayyana cewa sun fara neman dan takara daga Kudu maso Kudu mai shekarun haifuwa tsakanin shekara 40 zuwa 50 da zai karbi shugabanci daga Shugaba Muhammadu Buhari a 2023.

Shugaban kungiyar, Mohammed Salihu Danlam ne ya bayyana wannan matsayin kungiyar a gaban wani taron manema labarai a jiya.

Yayin da Danlam ke jawabinsa, ya bayyana cewa dan takarar “dole ne ya kasance yana da cudanya na kwarai da kasashen duniya, dole ne ya shiga cikin tsarin mulki na lokaci mai tsawo, ya kasance da kwarewar sadarwa, dole ne ya zama iya ba da fifikon tabbatar da adalci na zamantakewa da kyautatawa kan ci gaban tattalin arziki.”

“Arewa ta mamaye matsayin shugabancin kasar nan tun lokacin da ta sami ‘yancin kai, fiye da kowane yanki; lokaci ya yi da matasan Kudu maso Kudu za su fitar da shugaban kasa shekarar 2023,” in ji Danlam.

“Najeriya kasa ce da ke baya a tsakar cin gaba da alkawurai da kuma zama cikin duhun rashin adalci. Muna rayuwa da rashin tabbas. A yadda abubuwa suke a yanzu, bamu da masaniyar al’ummar da za su faru idan Arewa ta ci gaba da mulki a 2023. inji shugaban Kungiyar Matasan Arewa.

 

Continue Reading

Labaran Siyasa

Gombe: Dankwambo Ya Caji Membobin PDP Da Su ci Gaba da kasancewa Da Hadin Kai

Published

on

Tsohon gwamnan jihar Gombe, Ibrahim Dankwambo ya tuhumi membobi na jam’iyyar Peoples Democratic Party a jihar Gombe da su kasance da hadin kai.

Tsohon gwamnan jihar ya bayyana hakan ne yayin da yake jawabi a taron PDP a Gombe ranar Litinin din nan da ta gabata.

Dankwambo wanda tsohon mataimakinsa, Charles Iliya ya wakilta a jawabin, ya bayyana da cewa ayyukan raya kasa a jihar duk a karkashin gwamnatin PDP ne.

Shugaban jam’iyyar PDP a jihar Gombe, Nuhu Poloma, yayin da yake nasa jawabi ya bayyana cewa an kayar da PDP a lokacin babban zaben shekarar 2019 ne saboda sun ki sakacci da yawa.

Poloma ya kara da cewa har yanzu jam’iyyar na da karfi sosai a jihar, duk da kayen da aka yi masu a babban zaben.

Shugaban PDP din ya gargadi mambobin jam’iyyar da bayar da tikitin neman zabe ga daidaikun mutane da suka ci gaba da kasancewa a cikin jam’iyyar koda aka kashe su a jam’iyyar.

Shi kuma Shugaban Jam’iyyar PDP a Bauchi, Hamza Akunya, yayin da yake magana ya ce jam’iyyar ta sha kaye a babban zaben saboda ayyukan wasu membobin jam’iyyar da wasu jam’iyyu.

Akunya ya lura cewa, mambobin jam’iyyar PDP da suka fice daga jam’iyyar nan ba da jimawa ba zasu dawo.

“Shawarata a gare ku ita ce ku samar da sahihan ‘yan takara ga zaben 2023 wadanda zasu iya kayar da ‘yan adawa daga wasu jam’iyyu,” in ji shi.

Wata tsohuwar ‘yar majalisar wakilai, Binta Bello, yayin da take magana ta bayyana cewa an gudanar da taron ne domin hadin kan mambobin jam’iyyar.

Bello wadda itace ta shirya taron ta kara da cewa dole ne membobin jam’iyyar su fahimci cewa har yanzu jam’iyyar tana da karfi a jihar Gombe kuma a shirye take ta taka rawar gani

Continue Reading

Labaran Siyasa

‘Yan Najeriyar Za Su Fuskanci Mawuyacin Yanayi A Karkashin Mulkin Buhari a 2020 – Shehu Sani

Published

on

Shehu Sani, tsohon Sanata wanda ya wakilci Kaduna ta Tsakiya a jagorancin Sanatoci na 8 na Najeriya, ya ce ‘yan Najeriya za su kara fuskantar wahala a karkashin Shugaba Muhammadu Buhari a shekarar 2020.

Naija News ta samu labarin cewa tsohon dan majalisar ya yi wannan tsokaci ne yayin wani shirin rediyo a gidan Rediyon Invicta FM a Kaduna ranar Lahadin da ta gabata.

Tsohon Sanata da ya wakilci Kaduna ta tsakiya a majalisar dattijai, Sanata Shehu Sani a ranar Laraba ya yi alfahari da cewa bai janye daga siyasa ba, yana nan dawo nan da shekarar 2023.

Shehu ya bayyana hakan ne a gidansa da ke Kaduna lokacin da kungiyar Magabata na Sabon Garin Nassarawa suka ba shi wata kyautar lambar yabo don kyakyawan aikinsa da kuma halin karimci ga wakilcin al’umma.

Continue Reading

Trending