Muna a Shirya don Kare Nasarar Ganduje a Jihar Kano – APC

Jam’iyyar APC ta Jihar Kano sun gabatar da ranar Laraba da ta gabata da cewa suna a shirye don kare nasarar Abdullahi Ganduje, da dan takaran kujerar Gwamnan Jihar Kano daga Jam’iyyar APC yayi a tseren zaben 2019 da aka kamala makonnan da suka gabata a Jihar.

Mun ruwaito a baya a Naija News Hausa da cewa Hukumar Gudanar da Hidimar Zaben Kasa, INEC ta Jihar Kano ta baiwa Gwamnan Jihar Kano, Dakta Abdullahi Umar Ganduje, Mataimakinsa Nasiru Yusuf Gawuna da sabbin ‘yan gidan Majalisu 27 takardan komawa ga kujerar shugabanci.

Jam’iyyar APC sun gabatar a bakin Mista Ma’aruf Mohammed-Yakasai, mamba da kuma kakakin yada yawun kungiyar rukunin Jam’iyyar APC, a ranar Laraba da ta gabata da cewa suna a shirye don kare cin nasara da dan takaran su yayi ga zaben ranar 23 ga watan Maris da ta gabata.

Yakasai ya bayyana hakan ne ga manema labarai a wata ganawa da suka yi a Jihar Kano ranar Laraba da ta gabata.

Naija News Hausa ta gane da cewa Yakasai ya fadi wannan ne bisa bada damar da Kotun Kara ta yi ga Jam’iyyar PDP ta Jihar Kano don kadamar da bincike akan kayakin da Hukumar INEC tayi amfani da su a wajen hidimar zaben Jihar Kano da aka kamala.

“A matsayi na na mamban wannan rukuni ta mu da kuma matsayina na kakakin yada yawun rukunin, mun karbi umarni daga Kotu na bayar da dama ga Jam’iyyar PDP don yin bincike akan kayakin da aka yi amfani da su a zaben Jihar Kano”

“Kotun kuwa ta bamu Foto Kwafin takardan, zamu kuma kasance a wajen don tabbatar da cewa an tafiyar da hidimar binciken a hanyar da ta dace” inji shi.

A bayanin Yakasai, dan takaran Jam’iyyar PDP ga tseren zaben 2019, Abba Kabir-Yusuf bai da wata muhinman zargi ko shaidu da zai bayar don nuna rashin amincewa da nasarar Ganduje ga hidimar zaben watan Maris a Jihar.

Zaben 2019: Da Makirci Ganduje ya lashe zaben Jihar Kano – Abba Kabir

Dan takaran kujerar Gwamnan Jihar Kano daga Jam’iyyar PDP, Engr. Abba Kabir Yusuf, ya gabatar da cewa da Makirci ne Dakta Abdullahi Umar Ganduje ya lashe zaben Jihar Kano.

Naija News Hausa ta sanar a baya da cewa Hukumar Gudanar da Hidimar Zaben Kasa, INEC ta bayar da takardan komawa ga kujerar shugabancin Jihar Kano ga Abdullahi Ganduje, dan takaran Gwamna daga Jam’iyyar APC.

Abba Kabir ya gabatar da zargin Ganduje da Makirci ne a ranar Laraba da ta gabata, a wata sanarwa da aka bayar daga bakin kakakin yada yawun sa,  Sanusi Bature Dawakin-Tofa.

Sanarwan na kamar haka, “Dakta Abdullahi Umar Ganduje, dan takaran kujerar Gwamnan Jihar Kano daga Jam’iyyar APC ya lashe zaben Jihar ne akan Makirci da halin cin hanci da rashawa.

“Na gane da cewa Ganduje bai cikin hankalin sa da shiga rawar murna bisa sakamakon makircin zaben da aka yi a Jihar Kano a ranar 23 ga watan Maris da ya gabata a shekarar 2019.” inji Abba.

Abba ya kara da cewa zaben Jihar ya kasance ne da makirci, cin hanci da rashawa, tsananci da kuma yaudara.

Karanta wannan kumaKotun Kara ta bayar da dama ga PDP don binciken kayan hidimar zaben Jihar Kano

PDP: ‘Yan ta’adda sun Konne Ofishin Jam’iyyar PDP a Jihar Kano

Mun samu rahoto a Naija News a yau Litinin da cewa wasu ‘yan ta’adda sun kone Ofishin dan takaran Gwamnar Jihar Kano na Jam’iyyar PDP, Abba Kabir Yusuf.

Sun kone Ofishin ne da ke a lamba na 36, Chiranchi Quarters a karamar hukumar Gwale, a nan Jihar Kano.

‘Yan harin sun kuma lallace wata motar ‘Golf 3’ da ke da lambar NSR 237 AE.

An samu tabbacin konewar Ofishin ne daga bakin kakakin yada yawun dan takaran, Sanusi Bature Dawakin Tofa, kamar yadda ya bayar ga manema labaran Daily Trust.

Tofa ya bayyana da cewa ‘yan harin sun kai kimanin mutane 60 da suka hari Ofishin, a jagorancin Junaidu Abdulhamid, Mataimakin Ciyaman na Jam’iyyar APC na Jihar, Abdullahi Abbas, tare da Habibu Dandayis, magoya bayan ciyaman na Jam’iyyar APC a Jihar.

Dan takaran, Abba Kabir Yusuf ya bukaci hukumomin tsaro da su dauki mataki ta musanman cikin gaggawa don ganin cewa sun kame wadanda suka aikata irin wannan mugun abin.

Mun ruwaito a Naija News da cewa wasu Yan Ta’adda sun fada wa Ofishin dan takaran shugaban Kasa, Alhaji Atiku Abubakar, dake a garin Akure, ta Jihar Ondo.