Kannywood: Hotuna da Takaitaccen Labarin Rayuwar Bilkisu Shema

A wannan karamar hirar, Naija News Hausa na gabatar maku da daya daga cikin ‘yan mata da suka yi saurin tashe wajen shirin fina-finai na Hausa a karkashin kungiyar ‘yan fim da aka fi san da Kannywood, mai suna Bilkisu Shema.

Kyakkyawa da kuma shahararriyar, Bilkisu asalinta ‘yar Jihar Katsina ce. an haifi Bilikisu Shema ne a ranar 28 ga Watan Yuli a shekarar 1994.


Fitacciyar, Shema ta fara karatun ta na firamari ne a makarantar Isa Kaita College of Education, bayan nan ta shiga sekandari a Government Day Secondary School Dutsin-Ma.

Naija News Hausa ta gaza da samun tabbacin karatun babban jami’ar jarumar a wannan lokaci, idan hakan ya samu, zasu sami karin bayani.

Shema dai a cikin tashe a fagen fim a wannan lokaci, ita ce matashiyar jaruma wadda tauraronta yake haskawa.

Sanadiyar Haskawar Tauraron Bilikisu Shema:

‘Tabbatacce Al’amari’, wannan fim shi ne wanda ya sanya wannan jaruma darewa matsayi na daya a cikin jarumai mata a kannywood domin ta tsaga a tsakiyar gogaggu ta kuwa nuna gwaninta.

Kasancewar labarin fim din kusan a kanta yake, hakan ya bata damar taka rawarta har da tsalle. Domin mafiya yawan wadanda suka kalli shirin maganar ta kawai suke yi ba ta sauran jaruman ba.

A wata Hira Bilkisu ta shaida cewa tun bayan da tayi fim din farko taso tayi aure domin har ta daina karbar aiki, amma Allah cikin ikonsa bai nufi yin auren ba, duk dai bata sanar da dalilin da ya hana yin auren ba.


Yan mata da samari na fuskantar kalu bale da yawa daga ciki da wajen masana’antar fina-finai a kokarin su na tabbatar da burin su na zama manyan taurari, amma Bilkisu tun bayan tabbataccen Al’amari Ali Nuhu ya saka ta a wani Sallamar so, sai kuma finafinai irinsu Dawood, Ranah da dai sauransu wanda yanzu haka suna hanya basu fito ba,
Ita ce Wadda aka shirya zata fito a cikin fim din Mansoor sai ta makara ba ta zo da wuri ba har aka canja ta da wata.

Sabuwar Fim: Mu Zuba Mu Gani | Hade da Ali Nuhu, Fati Washa, Jamila Nagudu da Sauransu

Naija News Hausa na tura muku wannan sabuwar fim na Hausa don nishadewa.

“Mu Zuba Mu Gani” sabuwar fim ne da ya kasance da shahararrun da kwararru a Kannywood, kamar su Sarkin Sangaya; Ali Nuhu, Fati Washa, Jamila Nagudu da dai sauransu.

Kalli Fim din A Kasa;

https://www.youtube.com/watch?v=Cf0Rsik_9xs

Sarki Mai Sangaya: Jarumi, Ali Nuhu ya ce ba shi da budurwa a Kannywood

Babban Jarumi da Kwararre a shafin hadin fim na Hausa da aka fi sani da Kannywood, Ali Nuhu ya bayyana da cewa mata guda daya kacal yake da burin mallaka a rayuwarsa.

Naija News Hausa ta fahimta da cewa jarumin ya fadi hakan ne a wata hira da ya yi da kamfanin dilancin labarai ta BBC Hausa, a inda jarumin ya jaddada da cewa a bayan Maimuna matarsa, bashi da muradin kari domin ita daya ta ishe shi zaman gidan duniya.

A cikin hirar mai tsawon ‘yan mintoci hudu, jarumin da aka tambayeshi yawan yaran da yake burin ya haifa a rayuwarsa, sai ya amsa da cewa lallai yara hudu kacal yake son ya haifa, amma kuma Allah ne ya baiwa kansa sani.

Hira tayi dadi sai ga tambaya mai zafi, Am tambayi Ali iya yawan ‘yan mata da yake da shi a Kannywood, jarumin kuwa da murmushi ya amsa da bayyana cewa bashi da ‘yan mata sai dai ‘ya’ya. Ya kuwa bayyana sunayen yaran nasa a matsayin Hadiza Gabon, Maryam Yahaya da dai sauran su.

Shin wani irin shawara ne aka fi baka? Jarumin ya bayyana a fili da cewa lallai an fi bashi shawara ne kan abubuwan da suka shafi harkokin sana’arsa, da kuma dangantakarsa da mutane. A karin bayani, jarumin ya bayyana Hafiz Bello a matsayin na hannun damarsa a masana’antar duk da cewar ba kasafai ake ganinsu tare ba.

Ya kara da cewa zamaninsu ya taso ne tun yarantaka. Ya kuma bayyana cewa darakta Hafiz shine mutumin daya da basu taba samun tangarda da shi ba a Kannywood.

Kali Bidiyon Hirar Jarumi Ali Nuhu da BBC Hausa a kasa;

 

Kannywood: Jama’a ga Naku! Sabuwar Fim ta Fito mai liki ‘Garba Mai Walda’ a NorthFlix

Kamfanin Yada Fina-finan Hausa na sanar da fitar da sabuwar shiri mai liki ‘GARBA MAI WALDA’

Takaitacen Fim din:

Garba Mai Walda labarin wani Magidanci ne mai tsananci hali, wanda ta zan mai da wuya ga iya gamsar da kowa, harma Iyalinsa. Ba wanda ya taba jin dadin alaka dashi. Matarsa kullum sai kuka, Uwarsa kuma kullum sai kaito, mazauna unguwa kuma sai baƙin ciki da shi kullum.

Yadda zaka sami kallon Fim din Garba Mai Walda:

Idan kana da muradin kallon ‘Garba Mai Walda’ abu mai sauki ne, kawai ka nemi Manhajar Northflix a shafin Google PlayStore da ke a wayar ka, sai ka saukar da Manhajar a wayan ka, anan sai ka nemi ‘Garba Mai Walda,‘ saura sai labari.

KARANTA WANNAN KUMA; Anyiwa ‘yan wasan Kwallon Niger Tonadoes alkawarin naira dubu N500,000 a kowane Gwal da suka ci Kano Pillars a gasar cin kofin Aiteo ta shekarar 2019.

Kannywood: Kalli Jerin sabbin Fina-Finan Hausa da za a Fitar ba da dadewa ba

Kamfanin Haskar da fim na Arewa, NorthFlix na batun haska da fitar da sabbin Fina-finai da dama ba da jimawa ba.

Ka riga abokannai da ‘yan uwa saurin samun wadanan Fim ta saukar da Manhajar NorthFlix daga GooglePlay don samun sabbin Fina-Finan Hausa a koyaushe.

KALLI WANNAN SABON SHIRIN;

 

Kannywood: Kalli wannan Sabon Fim mai liki (Fitila)

Masoya kallon fina-finan Hausa tau yau ga taku! Naija News Hausa ta gano maku da sabon shiri mai liki ‘FITILA’

Fim din ya kasance da Shahararrun ‘yan shirin fina-finai a #Kannywood kamar su #AliNuhu, #RahamaSadau, #AishaTsamiya dadai sauransu.

Ka sha kallo a kasa;

https://www.youtube.com/watch?v=sFHeE_5zPsM

Kannywood: Kalli Inda zaka iya ta samun Sabo Fina-Finan Hausa a ko yaushe

Kamar yada muka sanar a shafin labaran mu a baya da cewa ana shirin fara haska Fina-Finan Hausa a shafin NorthFlix Media, tau jita-jita ya kare, NorthFlix ya fara aiki.

Kamar yadda ka aza Whatsapp da Facebook a wayar Salula da kake amfani da ita, haka kazalika kana iya aza Manhajar @northflixng a wayar ka na #Android domin more wa kallon sabin Fina-Finan Hausa.

An sanar da wannan ne a layin yanar gizon nishadarwa ta Twitter. Kana iya shiga Manhajar GooglePlay da ke a wayar #Android naka don samun Manhajar NorthFlix.

Kalli sanarwan kamar yadda aka bayar a Kannywood;

https://twitter.com/NorthflixMedia/status/1140601758407958529

Kannywood: Kalli ranar da za a fara yada Fina-Finan Hausa a shafin NorthFlix

Naija News Hausa ta samu tabbaci da sanar da cewa za a fara haska sabbin Fina-Finan Hausa a shafin Northflix.

Ka tuna da cewa akwai shafin da ake cewa Netflix, inda ake haska sabbin fina-finai da basu shiga kasuwa ba tukuna. Gannin hakan ne Shahararrun Tsarafa Fim tare da hadin kan masu fita shirin fim a layin Kannywood, sun hada kai da fitar da sabon tsari inda za a yita nuna sabbin Fim ga masoya a dukan duniya.

Bisa ga sanarwan da aka bayar akan Northflix, za a fara yada fina-finai ne a shafin daga ranar 8 ga watan Yuni ta shekarar 2019.

Wannan shine karo na farko da yin hakan a gidan Cinema.

Kalli sakon a kasa;

https://twitter.com/northflixng/status/1135045899057598464/photo/1

An kara bayyana da cewa za a fara haska Fina-Finan ne a Gidan Cinema a garuruwa Hudu a rana daya a kasar.

Kalli Tsari da Jihohi Hudu da za a fara haska wa a Najeriya;

KARANTA WANNAN KUMA; Maza ku yi Hatara! Kalli yadda Mata ke Rudar da Maza da Kwalliyan Zamani

Kannywood: Muna da kudurin Fita takaran zabe nan gaba – inji Ali Nuhu

Daya daga cikin ‘yan shirin fina-finai a Kannywood, Kwararre da Fitacce, Jarumi Ali Nuhu ya rattaba baki ga zancen hidimar takaran zabe a kasar Najeriya.

Naija News Hausa ta samu wannan rahoton ne bisa wata ganawa da Jarumin yayi na tattaunawa da gidan labaran BBC.

“Wasu jaruman fina-finan Hausa na da kudurin fita da tsayawa takaran zabe a kasar Najeriya nan gaba.” inji Ali.

Wannan itace bayanin Ali Nuhu a ganawar shi da manema labaran BBC a wata zaman tattaunawa ta musamman da suka yi da shi.

Jarumin ya ci gaba da bayyana da cewa a halin yanzun ma, fita takara da daya daga cikin gurin ‘yan shirin fina-finai a kannywood. “A gaba ma yanzu, yana daga cikin irin kudurin da muke da shi, na ganin cewa wasu daga cikinmu sun fito a 2023 don tsayawa ga takara,”

“Ai jarumai irinsu Abba El-Mustapha da Nura Hussaini duk sun taba tsayawa takara a zabukan Najeriya” inji Ali Nuhu.

Mun ruwaito a Naija News Hausa a baya da cewa Rikici ta barke tsakanin ‘yan shirin Fina-fina a kannywood akan wata kudi da ‘yan siyasa suka bayar a garesu.

Da aka yi tugumar Ali Nuhu da tambaya, shi cikin raha ko wata rana za a ga fasta dauke da hoton Ali Nuhu yana takaran shugaban kasar Najeriya? kawai jarumin sai ya kyalkyale da dariya da cewa, “Ah haba! Gaba daya?”

An kara bukatar shi da bayyana sunayen wadanda ke da muradin fita zabe a Kannywood, sai ya ce “Lallai ba zan iya fadar sunayen su ba a halin yanzu, dalili kuwa itace, ana kan tattaunawa da shiri akan hakan”.

Kannywood na cikin Rudu: Amina Amal tayi karar Hadiza Gabon a Kotu da bukatan Miliyan N50m

Naija News Hausa ta gano da wata rahoto da cewa Shahararriyar ‘yar shirin fim na Hausa, Amina Amal ta wallafa kara ga Kotu Koli ta Jihar Kano, a kan fadan ta da Hadiza Aliyu Gabon.

Mun ruwaito a baya da cewa Shahararrun Manya daga cikin ‘yan fim na Kannywood biyu sun shiga kafar wando guda. Watau Ali Nuhu da Adam A. Zango.

Ko da shike mun sanar kuma da baya da yadda aka shirya Shahararun, musanman wata bidiyon da ke dauke da Adam A. Zango inda ya nuno kansa da neman sulhu da Ali Nuhu. Ko da shike bai gabatar da sunan Ali Nuhu ba amma kalaman sa a cikin bidiyon ya bayyana hakan.

Yace “Lokaci yayi da ya kamata a yafe wa juna. Wanda aka yi wa laifi ya yafe, wanda kuma yayi wa wani laifi ya nemi gafartawa” inji Adam.

Shararrar ginbiya da kuma Haifafar kasar Kamarun, da aka sani a baya a matsayin kawar Hadiza Gabon, Amal ta gabatar da cewa Hadiza ta ci mutuncin ta da kuma muzurta ta, a hakan ne ta wallafa kara da bukatar Kotun Koli ta Jihar Kano da  tsananta da kuma sa Hadiza ta roke ta da kuma biyar ta kudi kimanin naira Miliyan Hamsin (N50m) hade da manyan shaidu biyu a gaban kotun.

Kalli karar a kasa;

Kalli Bidiyon Karar a nan;