Kannywood: Takaitaccen Labarin Umar M. Sharif, Shahararren Mawaki

Umar Muhammadu Sharif yana daya daga cikin Shahararrun mawaƙan hausa masu mahimmancin kwarari da gaske.

Sharif ba Mawaki ne kawai ba, Dan kasuwanci a fagen wasa, yana kuma da kyautannai lambar yabo mai yawa da ya karba a fagen shiri.

An haifi Sharif ne a shekarar 1987, ya kuma yi karatun Makarantar Firamare da Sakandiri ne a garin su, Rigasa ta Jihar Kaduna.

Umar ya bayyana da cewa shi ya kasance ne dalibi mai mahimmanci kuma tun lokacin yarantakarsa, abin da ya sa shi cikin raira waƙa shi ne wani abin da ya faru tsakanin shi da ƙaunarsa na farko, kamar yadda ya fada wa BBCHausa.

“A da ni dalibi ne na kwaran gaske, kuma tun a baya lokacin da nake makarantar sakandiri, ni Musulmi ne na gaske.”

YADDA M. SHARIF YA SHIGA FAGEN WAKA

Umar M. Sharif ya bayyana a wata ganawa da manema labaran BBC Hausa da cewa lallai ya shiga fagen Waka ne sakamakon wata abun da ya gudana tsakanin shi da yarinyar da yake soyayya da ita a da.

Ya Bayyana a haka;

A wata ranar haka a lokacin da nake dan matashi na, akwai wata kyakyawar yarinya da nake so kwarai da gaske a kauyan mu, amma don rashin kwarewa na da soyayya da kuma zamancewar fadawa ga soyayya a karo ta farko, kunya ya cika ni kwarai da gaske har na kasa bayyana a gaban ta in gabatar da so na.

Bayan da na gayawa abokan arziki, sai suka shawarce ni da isa har ga kofar gidan su da kuma kiran ta, ni ko sai na kokarta da yin hakan.

Amma abin takaici, duk lokacin da na aika da kiranta, idan na ji motsin ta da fitowa sai in labe ina leken ta daga nesa don tsoron fuskantar ta ido-da-ido. Ita kuma idan ta fito, sai ta juya hagu da dama, idan kuma bata gan mai kiran ta ba sai ta koma cikin gida, a lokacin ni kuma ina boye da leken ta, Na yi hakan ne har kusan sau Uku.

A rana guda kwaram sai na kudurta cewa ba zani kara boyewa ba idan ta fito. Na kakkabe takalma na sai na hari gidan su, Ina isa a gaban gidan sai na aika mata, amma abin takaici a gareni, yarinyar taki fitowa a ranar.

Wannan ya zafeni kwarai da gaske, da bari na da mammakin dalilin da ya sa ta ki fitowa. Ganin hakan sai na kafa baki ga wakewake don lafar da zafin zuciya na, na kuma kama hanyar gidan mu. 

A duk lokacin da na tuna da al’amarin, sai in kafa baki ga wakewake. Na ci gaba da yin hakan har sai da wani Yaya na da ke zaman Mawaki ya ji ni. 

Da kuma ya gane da zakin murya na da kwarewa na, sai ya dinga bani shawarwari akan yadda zan kara kwarewa ga wakewake. Bayan ‘yan lokatai kuma, sai ya tallafa mani ga yin rikodi na ta farko a lokacin.

Wannan ita ce bayanin M. Sharif a ganawar shi da manema labaran BBC a kwanakin baya.

KARANTA WANNAN KUMA; Ba ni aka wa Duka ba, Bata mani suna kawai ake kokarin yi – Inji Bilkisi Shema

A halin yanzu, bisa ganewar Naija News Hausa, Umar M Sharif na da rikodin wakoki kimanin 500 da ya rigaya buga. A cikin hakan aka samu su; Duniya Ce, Nadiya, Madubi, Jinin jikina, Mai atamfa, Bakandamiya, Babbar yarinya da dai sauran su.

Sharif na da kwarewa kuma a shafin fita shirin fim, zaman Furoduza a fagen Kannywood, Ya kuma fito ga Fina-Finai kamar su; Mahaifiyata, Nas, Jinin jikina, Ba zan barki ba, ka so a so ka, dadai sauran su.

#Ramadan: HISBAH sun kame Mutane 80 da Cin Abinci a Fili a yayin da ake cikin Azumi

Hukumar Shari’ar Musulunci (HISBAH) ta Jihar Kano sun gabatar da kame mutane 80 a Jihar da zargin cin abinci a Fili, a yayin dan sauran ‘yan uwa Musulumai ke cikin Azumin Ramadan.

‘Yan Hukumar HISBAH sun bayyana cewa lallai sun kame mutanen ne a yankunonin Jihar Kano cikin ‘yan kwanakin da aka fara Azumin Ramadan.

Naija News Hausa ta fahimta da cewa Jihar Kano na daya daga cikin Jihohin Najeriya da ke amfani da Shari’a Musulunci kwarai da gaske, musanman tun shekarar 2000.

Ka tuna a baya cewa Naija News Hausa ta ruwaito da cewa ‘Yan Kungiyar HISBAH ta Jihar Kano sun yi alkawarin kama duk wani Musulmi wanda ya kauracewa yin azumin watan Ramadan.

Bisa bayanin kakakin yada yawun HISBAH na Jihar Kano, Adamu Yahaya, ya bayyana ga manema labaran BBC da cewa Musulumai ne dukan mutane Tamanin da hukumar su ta kama, “HISBAH ba sa kamun wadanda ba Musulumai ba don dokar Islam ba ya a kansu” inji shi.

“Daga cikin mutanen da muka kame, sun bayyana cewa sun ci abinci ne don basu ga fitar watan Ramadan ba da kansu, sauran mutanen kuma sun bayyana da cewa sun ci abinci ne don basu da lafiyar jiki”

“Hukumar ta gane da cewa bayanan su bai da wata manufar kwarai, kuma ba abin diba bane. Amma dai an gargade su, an kuma sake su da diban cewa karo ta farko ke nan da suka karya doka” inji Malam Yahaya.

Malam Yahaya ya kara da cewa sun gargadi mutanen da bin dokar, akan cewa idan aka kara gane su da cin abinci a yayin da azumi ke gudana, lallai zasu kame su, a kuma kai ga Kotu.

“Azumin Ramadani dole ne ga dukan ‘yan uwa Musulumai, sai dai kawa ba dole ba ga wadanda ke cikin yanayin rashin lafiyar jiki” Yahaya.

Ya karshe da cewa HISBAH za ta ci gaba da kadamar da bincike a yayin da ake cikin Azumin, don kame duk wanda ya kaurace wa dokar.

KARANTA WANNAN KUMA; Hukuma ta jefa wani mutum mai suna Sani Ibrahim a kurkuku a Jihar Katsina sakamakon zargin yi wa wata ‘yar shekaru bakwai, diyar makwabcin sa fyade.