Barayi sun kashe wani Mutum a Jigawa

Hukumar Jami’an tsaron ‘yan Sandan Jihar Jigawa sun gabatar a ranar Alhamis da cewa wasu barayi sun kashe mutum guda da kuma yiwa wasu mugun raunuka a shiyar kauyan Garin Maidawa da ke a karamar hukumar Dutse ta Jihar Jigawa.

Naija News Hausa ta gane da hakan ne a wata sanarwa da hukumar ta bayar daga bakin Kwamishanan tsaron Jihar,  Bala Zama, wanda ya bayar ga manema labarai a garin Dutse, da cewa barayin sun hari kauyan ne a missalin karfe Ukku na safiyar ranar Alhamis da ta wuce.

“Sun fada kauyan ne a lokacin da suka gane da cewa Jami’an tsaro basa kusa da shiyar. sun kuma gane da cewa kauye ne wajen” inji shi.

“Hukumar mu ma ba ta da Ofishi a wannan wajen. Wannan damar ne barayin suka yi amfani da ita don kai hari a kauyan, har ma da kashe mutum guda da kuma barin wasu jikin zafin raunuka”

“Sun hari gidan wani sannan matashi da ke a shiyar suka kashe sih, suka kuma yiwa kusan mutane biyar raunuka da bindiga da makamai,” inji Zama.

Ya bayyana da cewa ba a samu kame barayin ba amma an watsar da Jami’an tsaro a shiyar don neman kame wadanda suka aiwatar da mugun harin.

Bisa bayanin wani mazaunin shiyar, Malam Shamuddin Usaini, ya bayyana ga manema labarai da cewa barayin sun yi harin ne na kusan tsawon mintoci Arba’in da harbe harben mutane. inji Usaini a yayin da yake gabatarwa ga manema labarai a asibitin Rasheed Shekoni da ke a Jihar.

“Na gane da cewa sun fado kauyen ne da wata manufa. Da zarar isowan su, kwaram suka hari gidan Alhaji Liman, wani mai sayar da shanaye a garin” inji Usaini.

“Mun gano su ne a missalin karfe biyu na dare cikin kauyan da bindigogi da Sanduna” inji shi.

“Ba su bukaci komai ba daga kowa, amma dai sun tabbatar da harbin duk wanda ya leko da kokarin tarban su da hari”

Usaini ya bayyana da cewa kauyan bata taba samun irin wannan harin ba tun da take.

Wani Matashi ya kashe dan Uwansa don kishi

‘Yan Sandan Jihar Jigawa sun kame wani matashi mai shekaru 22 da laifin kisan kai

An kame Gambo Sa’idu ne a kauyan Badakoshi da ke a karamar hukumar Gwaram ta Jihar Jigawa, da zargin kashe dan ‘uwan sa akan wata gardama da ya tashi tsakanin su game da tumakin da suke kiwo shi da dan ‘uwan na sa.

Naija News Hausa ta samu gane wa kamar yadda Kakakin yada yawun ‘yan sandan yankin, SP Audu Jinjiri ya bayar ga manema labarai a Dutse, da cewa lallai Gambo ya kashe dan uwan sa ne Haladu mai shekaru 40 da Adda.

A bayanin jami’in, Ya ce hukumar su da ke karamar hukumar Gwaram ta karbi kirar gaugawa ne missalin karfe biyu na daren ranar Laraba, 27 ga watan Maris da ya gabata da cewa Gambo ya aiwatar da kisan kai.

SP Jinjiri ya kara da cewa darukan tsaro sun ziyarci inda abin ya faru kuma sun samu tabbacin al’amarin.

“Gambo ya hari dan uwan sa ne cikin daji a yayin da suke kiwo. Daga nan kuma ya kashe shi”
“Don kara bada tabbacin mutuwar Haladu, wani Dakta da ke yankin ya bincike shi ya kuma bada tabbacin cewa lallai ya mutu” inji Jinjiri.

SP Jinjiri ya gabatar da cewa bisa bincike, sun iya gane da cewa Gambo ya kashe dan uwan sa ne da kishin cewa Haladu ya fi shi yawar tarin tumaki.

Ana kuma zargin Gambo da shan mugun kwayoyi kamin ya aiwatar da kisan dan uwansa.

Mun ruwaito a Naija News Hausa a baya da cewa  wani ya kashe abokin sa a yayin da suke gwada karfin maganin bindiga