APC: Mutane Uku suka mutu a harin da aka yi wa dan takaran Gwamnan, Sani Danladi a Jihar Taraba

Duk da irin kokarin da Jami’an tsaron kasa da gwamnatin tarayya ke yi akan ta’addanci da tashin hankali a kasar Najeriya, harwayau ba a daina haka mugun hari da kashe-kashe ba.

Naija News ta ruwaito a jiya da cewa Gwamnan Jihar Kwara, Abdulfatah Ahmed hanna yawon yakin neman zabe a Jihar Kwara ganin irin mugun hako da hari da wasu ke kaifa ‘yan adawan su a Jihar.

Mun sami rahoto da cewa mutane ukku ne suka rasa rayukan su ga harin da aka kai wa dan takaran Gwamna a Jam’iyyar APC ta Jihar Taraba, Alhaji Sani Danladi a yayin da yake kan tafiya zuwa yankin Wukari don yakin neman zabe a ranar Laraba da ta wuce, kamar yadda muka bayar a Naija News da cewa mahara sun fada wa Sani Danladi, dan takaran Gwamnan Taraba da hari.

Musa Lawal, wani da ke a wajen da wannan mumunar abu ya faru, ya bayyana ga maneman labaran Daily Trust a kan waya da cewa, “mutane ukku ne suka rasa rayukan su sakamakon harbin bindiga da aka yi musu” a lokacin da aka hari motar da gwanan ke tafe da shi, in ji Musa.

“Wasu da dama kuwa sun sami raunuka sakamakon watsin harsasun bindiga, amma a halin yanzun ana masu kulawa a babban asibiti da ke Jalingo” inji shi.

“Wannan harin mataki ne na neman sace dan takaran” in ji Mista Aaron Artimas sakataren Jam’iyyar APC a Jihar.

Mun sami sani a Naija News da cewa Gwamnan Jihar Taraba, Darius Ishaku ya bada umurnin cewa a kafa kullen shiga da fita a Jihar, na tsawon awowi goma shabiyu har sai komai ya kwanta.

Karanta kuma: Ban yi zaton zan fadi ga zaben 2019 ba – inji Shugaba Buhari

Kalla kuma: Harin da aka kai a gidan gadon babban sanatan Najeriya, Bukola Saraki

 

Mahara sun yi wa dan takarar Gwamnan Taraba na Jam’iyyar APC mumunar hari

Jami’an tsaron ‘yan sandan Jihar Taraba sun bada tabbacin mumunar hari da wasu ‘yan ta’adda suka yi wa dan takarar Gwamnan Jihar daga Jam’iyyar APC, Sani Danladi.

Naija News Hausa ta ruwaito da cewa Sunday Onuoha, wani babban bishop ya bayyana a cikin gabatarwansa a wata zama da suka yi a birnin tarayya, Abuja da cewa “ba mamaki Boko Haram su fada wa Jihohin arewacin kasar, kamar Bauchi, Taraba, Gombe da kuma Adamawa” in ji shi.

Mun sami rahoto da cewar Gwamnan ya kama hanyar Wukari ne zai je yankin Ibi don gudunar da yakin neman zabe. Suna aka tafiyar ne da darukansa sai ga ‘yan ta’adda kwaram da hari.

A fadin wani da yake shiyar a lokacin da mumunar abin ya faru, ya ce “Motoci shidda ne aka kone kurmus da wuta, abin ya dauki tsawon awowi biyu.

An bayyana da cewa Wukari na da kilomita 270km ne kawai da babban birnin Jihar, watau Jalingo.

A halin yanzu mun sami sani da cewa Gwamnan Jihar Taraba, Darius Ishaku ya kafa kulle na tsawon awowi goma sha biyu (12hrs) a Wukari har sai an kai ga gane abin da ya faru, kuma an karshe bincike.

Kwamishanan Jami’an ‘yan sandan Jihar, David Akinremi ya bayyana ga maneman labarai da cewa “Gwamnar na kan hanyar zuwa yankin Ibi ne a lokacin da mahara suka fada masu da wannan mumunar harin”.

“An kafa kullen shiga da fitan awowi goma sha biyu ne don tabbatar da cewa an dakile duk wata shiri na irin wannan mugun hari a Jihar”.

Mun kuma samu labari da cewa wani Anbasadar kasar nan, Hassan Ardo Jika ya tsira ne da mumunar harin da kyar.

Jami’an tsaro na kan bincike don kare gane sanadiyar wannan harin da kuma tabbatar da cewa an dakile duk wata shiri na gaba.

 

Karanta kuma: Gwamnan Jihar Kwara, Abdulfatah Ahmed ya dakatar da yawon yakin neman zabe a Jihar