Mahaifin Rabilu Musa (Dan Ibro) ya Rasu

Allah ya jikan rai!

Alhaji Musa, Mahaifin Rabilu Musa da aka fi sani da suna ‘Dan Ibro’, ya rasu a ranar Lahadi 10 ga Watan Fabrairu da ta gabata, a misalin karfe 2:30 na rana.

Alhaji Musa ya rasu ne sanadiyar wata rashin lafiyar da ta kama shi da tsawon kwanaki. Allah ya Jikan sa, ya kuma yi masa rahama.

Mun ruwaito a Naija News Hausa a baya da tunawa da rayuwar Rabilu Musa ‘Dan Ibro’, Sai ga shi a yau kuma muna samu labarin rasuwar tsohon sa.

Allah kadai ya san ranar karshen kowa, addu’ar mu itace kowa ya kare lafiya.

Mu sami tabbacin mutuwar Alhaji Musa ne daga yanar gizon nishadarwa ta twitter da ‘yan Kannywood ke amfani da ita.

Ga sanarwar a kasa;

– Inna Lillahi wa inna ilayhi raji'un
Allah yaiwa Alh MUSA MAHAIFIN RABILU MUSA IBRO RASUWA.

Ya rasu Yau Lahadi 10/2/2019 da karfe 2:30pm
Bayan yasha fama da rashin lafiya.

Allah ya jikansa yai masa rahma, yasa mu cika da Imani. pic.twitter.com/0Gg0lxKQ6z

— kannywood Empire (@KannywoodEmp) February 10, 2019

Wasu daga cikin masoyan Rabilu Musa ‘Dan Ibro’ sun yi juyayi da wannan, kuma sun aika sakon ta’aziya ta su.

Allah ya jikansa da rahama

— Zaharaddeen Muhd Bature (@ZaharaddeenMo20) February 10, 2019

Allah ya gafarta masa

— Khaleed z gamagira (@gamagirak) February 10, 2019