Connect with us

Labarai Hausa

Kada ku Tsorata don cutar ‘Lassa Fever’ – Dokta Chikwe

Published

on

Mun sanar a Naija News kwanakin baya da cewa rundunar sojojin Najeriya sun yi tugumar cewa mugun cutar ‘Lassa Fever’ ne ya kama wani sojan su da ya mutu bayan rashin lafiyar ‘yan kwana kadan da dawowar shi daga juyayin tsohon sa da ya rasu a Jihar Kogi.

A yau Laraba, 23 ga Watan Janairu, 2019, Hukumar Kulawa da Cututtuka Kasar Najeriya (NCDC) sun fada da cewa kada ‘yan Najeriya su tsorata da kamuwar cutar, don sun rigaya sun samar da matakai don magance yaduwar cutar a kasa.

Wannan shi ne fadin Shugaban Hukumar (NCDC), mai suna Dokta Chikwe Ihekweazu a birnin Abuja a yau Laraba.

Ya ce “Hukumar NCDC na daukar matakai don magance duk wata ciwo ko cuta da za ta taso a wannan shekarar a kasar Najeriya”

“Mun kafa rukuni da dama don yaki da wannan, daya daga cikin su itace RRTs, wannan zasu hada gwuiwa da Jihohi don tabbatar da yaki da magance duk wata cuta mai taso wa ko da ke yaduwa” in ji Chikwe.

In ji shi, bincike ta nuna da cewa cutar ‘Lassa Fever’ kan taso ne lokacin rani tsakanin watan Janairu da watan Hudu na shekara.

Dokta Ihekweazu, ya bada shawara ga jama’a da cewa su yi ta kokarin cin abinci mai gina jiki da wadda ta dace da lafiyar jikunan mu duka, da kuma gyara wuraren zaman mu da ganin cewa kullum yana fes-fes.

“Ku kuma tabbata da cewa ku ajiye kayan gona da abin ci wuri mai kyau inda wata kwaro ko daba mai cuta ba zai iya kai ga abincin ba ko ga kayan gonar ba, don kare lafiyar jiki”.

“A tabbatar da cewa an wanke hannu da kyau kamin tsoma shi ga abinci, a kuma sha ruwa mai kyan gaske” in ji Doktan.

Ya kara da kira ga Gwamnatin Tarayya wajen taimakawa wa asibitocin yankuna da maguna da kayaki da zai taimaka ga yaki da cututtuka a kasar.

Chikwe ya kuma umurci mallaman kula da lafiyar al’umma da cewa su yi iya kokarin su wajen kadamar da ayukan su a hanya da ta dace, su kuma kasance da kula a kowace lokaci don yaki da cututtuka.

Naija News Hausa ta ruwaito da cewa Sojojin Najeriya sun ba wa mutanen Natsinta da ke Jihar Katsina Magunguna don taimakawa da yaki da cututtuka a Yankin.

 

Kalla bidiyon: Yaki da Cutar Lassa Fever

 

Labarai Hausa

DSS Sun Kame Wanda Ya Shirya Bidiyon Shairi Kan Auren Shugaba Buhari Da Zainab, da Sadiya Farouq

Published

on

Ofishin Hukumar Tsaron Kasa (DSS) at sanar da kama Kabiru Mohammed, mutumin da ake zargi da kulla shellan karya kan auren Shugaba Buhari.

Naija News ta tuna cewa an bayyana wani rahoto a kusan  Oktoba ta shekarar 2019 cewa Shugaba Buhari ya shirya aure da Ministan Kulla da Al’umma, Sadiya Umar Farouq.

Day Dr. Peter Afunaya, kakakin yada yawun hukumar ke bada bayani kan lamarin, ya ce, an fara gudanar da bincike ne, biyo bayan korafin da Ministan Kudi ya yi wa Ma’aikatar.

Naija News ta fahimci cewa an kama Mutumin, mai shekaru 32 ga haifuwa ne saboda kirkirar wata bidiyo da kuma yada bidiyon karyar wanda ke nuna Shugaba Muhammadu Buhari na bikin auren Ministan Kasa, Zainab Ahmed da Ministan Harkokin Al’adu da Ci gaban Jama’a, Sadiya Farouq.

Ya bayyana da cewa sunyi kamun ne bayan da daga cikin Ministocin tayi gabatar da karar a ofishin su da neman su kame duk wanda suka gane da shirya da kuma watsar da bidiyon.

“Hukumar mu kuwa ta gane da kuma kame wanda ya shirya da kuma watsar da bidiyon. Sunansa Kabiru Mohammed. Dan Kano ne da kuma shekara ga 32 haifuwa. Ya kuma karanci yaran Fulfude da Hauda a makarantar jami’a ta Federal College of Education, Kano, da kuma karatun sashin Sadarwa daga Aminu Kano Islamic School.“

“Ya riga ya amince da aikata hakan kuma mun ci gaba da bincike kan dalilin hakan.” Inji shi.

Mutumin kuwa a ganewar Naija News Hausa ya nemi afuwa kan laifin sa da kuma bayyana cewa lallai aikin Sheidan ne. Ya kuma kara da cewa shi dan Jam’iyyar

Kwakwasiya ne a jihar Kano.

Continue Reading

Labarai Hausa

Gwamna Ganduje Ya Nada Mata Mataimaka na Musamman Guda 5 A Kano

Published

on

Gwamnan Jihar Kano, Abdullahi Ganduje ya gabatar da nadin wasu mata Biyar a Kano

Wata tsohuwar Kwamishina mai kula da harkokin mata, Hajiya Hajiya Yardada Maikano Bichi, tana daga cikin mata biyar na Musamman Mataimaka, wadanda gwamnan jihar Kano, Dokta Abdullahi Umar Ganduje ya nada.

Gwamna Ganduje bayan nadin dukkansu da kuma bayar da umarnin su fara aiki nan take, ya umarci dukkan wadanda aka nada da su tabbatar da kwarewarsu yayin aiwatar da ayukansu a kowane ofishi.

A cewarsa, “tunda aka zabe ku a cikin jerin mutane da yawa, ya nuna a fili da cewa muna tabbatar wa jihar da cewa kuna da abin da zai kawo ci gaban jihar.”

“Ya kamata ku tabbatar da cewa kun bi dukkanin manufofin gwamnati da shirye-shiryen da suka danganci ofisoshinku, har ma da hakan, kuna kulawa da su da dukkan hankali.”

Wadanda aka nada sun hada da, Hajiya Fatima Abdullahi Dala, a matsayin mai ba da shawara ta musamman a shafin Kulawa ga Yara da kuma Ayukan Mata; Dokta Fauziyya Buba a matsayin mai ba da shawara ta musamman a Ma’aikatar Kiwon Lafiya; Hajiya Aishatu Jaafaru, mai ba da shawara ta musamman kan Shirin ciyar da ‘yan makaranta;  Hajiya Hama Ali Aware kuma a matsayin Mai Bada shawara na musamman akan Zuba Jarin Kasashen waje, da kuma Hajiya Yardada Maikano Bichi, a matsayin Mashawarci na Musamman kan Kungiyoyi masu zaman kansu.

Continue Reading

Labarai Hausa

‘Yan Hisbah Sun Kame Wani Dan Sanda Da Wasu Mata Uku a Gusau

Published

on

Hukumar Hisba ta jihar Zamfara ta bayyana kame wani jami’in ‘yan sanda da wasu mata uku da ake zarginsu da aikata muggan laifuka a wani otal da ke Gusau.

Shugaban hukumar, Dakta Atiku Zawuyya ne ya bayyana hakan yayin da yake gabatar da wadanda ake zargin a hedikwatar hukumar ranar Litinin din nan da ta wuce.

Dakta Zawuyya ya bayyana da cewa an kama jami’in ‘yan sanda da ke aiki tare da ofishin‘ yan sanda ta Central Police Station da ke a Gusau tare da ’yan matan uku a wani ‘Otal, da zargin su da aikata laifin da suka saba wa ka’idar Sharia.

Zawuyya ya ce binciken farko da hukumar ta gudanar ya nuna cewa daya daga cikin ‘yan matan uku da aka kama ta fito ne daga jihar Kaduna yayin da sauran biyun kuma ‘yan gida guda ne a Zamfara.

Shugaban ya ce hukumar sau da yawa ta gargadi masu kula da otal din kan amince da shigar da irin wadannan mutane a Otal din amma sun kasa bin ka’idoji da ke jagorantar gudanar da kasuwancin otal a jihar.

Kamfanin Dillancin Labaran Najeriya (NAN) sun bayar da rahoton cewa, jami’an hukumar Hisba sun kame harda Manaja da ke kula da Otal din.

Zawuyya ya karshe da cewa za a gurfanar da wadanda ake zargin zuwa kotu bayan cikakken bincike. (NAN).

Continue Reading

Trending