Karanta Sakon Shugaba Muhammadu Buhari ga Musulumai bayan Ramadan

Shugaba Muhammadu Buhari ya yabi hukumar tafiyar da hidimar zabe ta Najeriya (INEC) don gudanar da aikin su da kyau duk da matsaloli da aka fuskanta a farko zaben.

News Naija Hausa ta gane da cewa shugaba Buhari ya gabatar da hakan ne a yayin da yake aika sakon Sallah ga ‘yan Najeriya ga bikin karshen azumin Ramadan.

A bayanin mataimakin Shugaban Kasa ga lamarin sadar da labaru, Malam Garba Shehu, ya sanar a birnin Abuja da cewa kafin a gudanar da zabe na shekarar 2019, annabawan hallaka ba su ba kasar damar samun zaman lafiya ba.

“Duk da wadannan tsoratar da mutane, kasar ta ci nasara da matsalolin siyasa” inji Shehu.

“Saboda watsi da harkokin kasuwancin su don kada kuri’a, masu jefa kuri’a sun nuna matukar kishin kasa a yayin da suka fita don yin aiki na gari.”

Shugaba Muhammadu Buhari ya ce;

“Bari in sake amfani da wannan damar don sake tabbatarwa da dukan ‘yan Najeriya cewa sadaukarwanku na jefa mani kuri’a ba zai zama a banza ba. Zan tabbatar da cewa al’ummar kasar, musaman wadanda suka jefa kuri’u su ga tasirin gwamnati da shugabanci na” inji shugaban.

Da shugaban ya kafa baki ga zancen Ramadan, Shugaba Buhari ya bukaci Musulmi su sanya halin kwarai a gaba ba tare da son kansu ba.

“Lokacin hidimar Ramadan lokaci ne na karfafa a ruhaniya, sabili da haka, ya kamata mu yi amfani da addini a matsayin wahayi don aika halin da ya dace a kowane lokaci.”

“Dole ne a ci gaba da kyautata ga rayuwa harma bayan hidimar Ramadan. Komawa ga hanyoyi da halaye marasa kyau bayan Ramadan na iya rinjayar ainihin sako, koyaswa da kuma darussan da aka koya da karba a lokacin azumi” inji shi.

Ka tuna mun ruwaito a Naija News Hausa cewa ‘yan Sandan Jihar Katsina sun Jefa wani Mutumi a Kurkuku da laifin kwanci da yaro na miji mai shekaru 10

Shugaba Buhari ya kuma yi amfani da damar don nuna bakin ciki da kuma aika sakon ta’aziya ga wadanda ‘yan ta’adda suka hara, kashe ‘yan uwansu ko kuma yi masu barnan kayan zaman rayuka da sace-sace ‘yan uwansu a kasar.

Shugaba ya tabbatar wa ‘yan Najeriya cewa shugabancin sa ba zata bada dama ga ‘yan kisan gilla ba da rinjayar karfin shugabancin kasar.

“gwamnatin za ta bi su ba tare da jinkirta ba, za a kuma magance matsalar hare-hare a kasar a kankanin lokaci”